Repertori: Linker 265,1485; RS 2037; MW 73,2
Manoscritti: U 69
Metrica: 10a 10a 10a 10a 10a 5b
Edizioni: Saba 1955, p. 68
I.
Quant vient en mai, que l'on dit as lons jors,
que Franc de France repairent de roi cort,
Reynauz repaire devant el premier front;
si s'en passa lez lo meis Arembor,
ainz n'en dengna le chief drecier a mont.
E Raynaut amis!
II.
Bele Erembors a la fenestre au jor
sor ses genolz tient paile de color;
voit Frans de France qui repairent de cort,
et voit Raynaut devant el premier front;
en haut parole, si a dit sa raison:
e Raynaut amis!
III.
- Amis Raynaut, j'ai veu cel jor,
sa passisoiz selon mon pere tor,
dolanz fussiez se ne parlasse a vos. -
- Ja·l mesfaites, fille d'empereor,
autrui amastes, si obliastes nos. -
E Raynaut amis!
IV.
Sire Raynaut, je m'en escondirai;
a cent puceles, sor sainz, vos jurerai,
a .xxx. dames que avuec moi menrai,
c'onques nul home fors vostre cors n'amai.
Prennez l'emmende et je vos baiserai. -
E Raynaut amis!
V.
Li cuens Raynauz en monta lo degré,
gros par espaules, greles par lo baudré,
blonde ot lo poil, menu, recercelé;
en nule terre n'ot si biau bacheler.
Voit l'Erembors, si comence a plorer.
E Raynaut amis!
VI.
Li cuens Raynauz est montez en la tor,
si s'est assis en .i. lit point a flors,
dejoste lui se siet bele Erembors.
Lors recomencent lor premieres amors.
e Raynaut amis!
Quant uient en mai que lon dit as lons iors. que franc de france repairent de roi cort. Reynauz repaire deuant el premier front. si sen passa lez lo meis arembor ainz nen dengna le chief drecier amont e Raynaut | Bele Erembors a la fenestre au ior. sor ses genolz amis. | tient paile de color. uoit fra(n)s de france q(i) repai rent de cort. (et) uoit R(aynaut) deuant el premier front. en |
haut parole si a dit sa raison. e R(aynaut) amis. Amis R(aynaut) iai ia ueu cel ior. se passisoiz selon mon pere tor dola(n)z fussiez se ne parlasse a uos. iel mesfaistes fille de(m)pereor. autrui amastes si obliastes nos. e R(aynaut) amis. Sire R(aynaut) ie men escondirai. a ce(n)t puceles sor sainz uos iure- rai. a .xxx.dames dames que auuec moi menrai. co(n)- ques nul home fors u(ost)re cors namai. pre(n)nez lemme(n)de |
(et) ie uos baiserai. E. R(aynaut) amis. Li cuens R(aynautz) en monta lo degre. Gros p(er) espaules greles p(er )lo baudre. blonde ot lo poil. menu recercele. en nule t(er)re not si biau bacheler. uoit lerembors si comence a plorer. E R(aynaut) amis. Li cuens R(aynautz) est montez en la tor. si sest assis en .i. lit point a flors. dejoste lui se siet bele erembors. lors recome(n)ce lor pre- mieres amors. E R(aynaut) amis |
I | |
Quant uient en mai que lon dit as lons iors. que franc de france repairent de roi cort. Reynauz repaire deuant el premier front. si sen passa lez lo meis arembor ainz nen dengna le chief drecier amont e Raynaut amis. |
Quant vient en mai que l'on dit as lons iors que franc de France repairent de roi cort, Reynauz repaire devant el premier front, si s'en passa lez lo meis Arembor, ainz n'en dengna le chief drecier amont. E, Raynaut amis! |
II | |
Bele Erembors a la fenestre au ior. sor ses genolz | tient paile de color. uoit fra(n)s de france q(i) repai rent de cort. (et) uoit R(aynaut) deuant el premier front. en haut parole si a dit sa raison. e R(aynaut) amis. |
Bele Erembors a la fenestre au ior, sor ses genolz tient paile de color; voit frans de france qi repairent de cort et voit Raynaut devant el premier front. En haut parole si a dit sa raison: E, Raynaut amis! |
III | |
Amis R(aynaut) iai ia ueu cel ior. se passisoiz selon mon pere tor dola(n)z fussiez se ne parlasse a uos. iel mesfaistes fille de(m)pereor. autrui amastes si obliastes nos. e R(aynaut) amis. |
«Amis Raynaut i'ai ia veü cel ior se passisoiz selon mon pere tor dolanz fussiez se ne parlasse a vos.» «Iel mesfaistes, fille d'empereor, autrui amastes si obliastes nos» E, Raynaut amis! |
IV | |
Sire R(aynaut) ie men escondirai. a ce(n)t puceles sor sainz uos iure- rai. a .xxx.dames dames que auuec moi menrai. co(n)- ques nul home fors u(ost)re cors namai. pre(n)nez lemme(n)de (et) ie uos baiserai. E. R(aynaut) amis. |
«Sire Raynaut, ie m'en escondirai a cent puceles sor sainz vos iurerai a .xxx. dames dames que avuec moi menrai c'onques nul home fors vostre cors n'amai: prennez l'emmende et ie vos baiserai. E, Raynaut amis! |
V | |
Li cuens R(aynautz) en monta lo degre. Gros p(er) espaules greles p(er )lo baudre. blonde ot lo poil. menu recercele. en nule t(er)re not si biau bacheler. uoit lerembors si comence a plorer. E R(aynaut) amis. |
Li cuens Raynautz en monta lo degre; gros per espaules, greles per lo baudre, blonde ot lo poil, menu recercele: en nule terre n'ot si biau bacheler. Voit l'Erembors si comence a plorer. E Raynaut amis! |
VI | |
Li cuens R(aynautz) est montez en la tor. si sest assis en .i. lit point a flors. dejoste lui se siet bele erembors. lors recome(n)ce lor pre- mieres amors. E R(aynaut) amis |
Li cuens Raynautz est montez en la tor, si s'est assis en .i. lit point a flors; dejoste lui se siet bele Erembors, lors recomence lor premieres amors. E, Raynaut amis! |
Links:
[1] http://gallica.bnf.fr/ark:/12148/btv1b60009580/f146.image.r=fr%2020050.langEN
[2] http://gallica.bnf.fr/ark:/12148/btv1b60009580/f147.image.r=fr%2020050.langEN