I |
Enchantant ueul ma doulour descouurir q(ua)nt p(er)du ai ce que ie desiroie. las sine sai que puisse de uenir. que me mors est ce dont iespoire ioie. si mesteura a g(ra)nt doulour lan guir q(ua)nt ie ne puis ne ueoir ne oir le bele riens aqui ie ma tendoie. |
En chantant veul ma doulour descouvrir quant perdu ai ce que ie desiroie, las! si ne sai que puisse devenir, que me mors* est ce dont i'espoire joie, si m'estouvra a grant doulour languir quant ie ne puis ne veoir ne oïr la bele riens a qui je m'atendoie. |
II |
Quant men souuient. g(ra)nt en sont li sous pir et cest touz iours que ia nen requerroie pour li mestuet mainte gent obeir. car ie ne sai senus ua celle uoie. mais se nus puet abonne amour uenir p(ar) b(ie)n amet (et) loiaume(n)t seruir. ie sai deuoir que(n)cor auerai ioie. |
Quant m'en souvient grant en sont li souspir, et cest touz jours que i a n'en requerroie. Pour li m'estuet mainte gent obeir car je ne sai se nus a celle voie, mais se nus puet a bonne amour venir, par bien amet et loiaument servir, je sai de voir qu'encor averai joie. |
III |
Michant sont tout plain dire (et) de doulour. po(ur) uous dame que ie ai tant amee. que ienesai seiechant ou ie plour. ence mestuet sousfrir ma destinee. mais se die(us) plait encorver rai verrai le iour. ca mours sera changie en autre tour. si uous uorra uers moi meille(ur) pensee. |
Mi chant sont tout plain d'ire et de doulour, pour vous dame que je ai tant amee, que je ne sai se je chant ou je plour, en ce m'estuet sousfrir ma destinee mais se dieus plait encor verrai le jour c'amours sera changie en autre tour, si vous vorra vers moi meilleur pensee. |
IV |
Souuiengne uous dame de fine amour. que loiautez ne uos ait oubliee. et si me fi. tant enu(ost)re ualour. qua des mest uis que merci ai trouuee. (et) ne pourq(ua)nt ie muir (et) nuit (et) iour. or uous doi(n)t die(us) po(ur) oster ma dolour. que p(ar) uous soit mire re confortee. |
Souviegne vous dame de fine amour, que loiautez ne vos ait oubliee, et si me fi ant en vostre valour, qu'adés m'est vis que merci ai trouvee, et neporquant je muir et nuit et jour, or vous doint dieus pour oster ma dolour, que par vous soit m'ire reconfortee. |
V |
Dame b(ie)n ueul que uous sachiez de uoir conques p(ar) moi ne fu mais dame a mee. ne ia de uous me quier remouuoir. mon cuer iai (et) mentente tournee. ne nai mestier dame de deceuoir. que de tel mal ne me sent pas douloir ne mesfraees douce dame alen tree. |
Dame bien veul que vous sachiez de voir, c'onques par moi ne fu mais dame amee, ne ja de vous me quier remouvoir, mon cuer i ai et m'entente tournee, ne n'ai mestier dame de decevoir, que de tel mal ne me sent pas doloir, ne m'esfraees douce dame a l'entree. |