I.
19
Testo Bédier 1938
Volez oïr la muse Muset?
en mai fu fete, un matinet,
en un vergier flori, verdet,
au point du jour
ou chantoient cil oiselet
par grant baudor,
et j'alai fere un chapelet
en la verdor.
Je le fis bel et cointe et net
et plain de flor.
Une dancele
avenant et mult bele,
gente pucele,
bouchete riant
qui me rapele:
- vien ça, si viele
.........................
ta muse en chantant
tant mignotement! -
Testo Bédier 1912
Volez oïr la muse Muset?
En mai fu fete, un matinet
en un vergier flori, verdet,
au point du jour,
Ou chantoient cil oiselet
par grant baudor,
et j’alai fere un chapelet
en la verdor.
Je le fis bel et cointe et net
et plain de flor.
Une dancele
avenant et mult bele,
gente pucele,
bouchete riant,
qui me rapele
«Vien ça, si vïele
…………………
ta muse en chantant
tant mignotement.»
Testo Bédier 1893
Volés oïr muse Muset?
En mai fut faite un matinet,
en un vergier flori, verdet,
au point du jor,
ou chantoient cil oiselet
par grant baudor,
et j’alai faire un chapelet
en la verdor.
Je le fis bel, et cointe et net
et plain de flor.
Une dancele
avenant et molt bele
gente pucele,
bouchete riant,
qui me rapele:
«Vien ça, me dist ele,
si me viele
ta muse, en chantant
tant mignotement.»
II.
38
J'alai a li el praelet
atout la viele et l'archet,
si li ai chanté le muset
par grant amour:
- j'ai mis mon cuer en si bon cuer
espris d'amors [...] -,
et quant je vi son chief blondet
et sa color
et son gent cors amoreuset
et si d'ator,
mon cuer sautele
pour la damoisele;
mult renouvele
ma joie souvent.
Ele ot gounele
de drap de Castele,
qui restencele.
Douz Deus, je l'aim tant
de cuer loiaument!
J’alai a li el praelet
atout la vïele et l’archet,
si li ai chanté le muset
par grant amour:
«j’ai mis mon cuer en si bon cuer
espris d’amors…»
Et quant je vi son chief blondet
et sa color
et son gent cors amoreuset
et si d’ator,
mon cuer sautele
pour la damoisele;
mult renouvele
ma joie souvent.
eleo t gounele
de drap de Castele
qui restencele.
Douz Deus, je l’aim tant
de cuer loiaument!
J’alai a li el praelet
a tot la viele et l’archet,
si li ai chanté le muset
par grant amor.
J’ai mis mon cuer en si bon get
espris d’amor,
et quant je vi son chief blondet
et sa color,
et son gent cors amoreuset
et si d’ator,
mes cuers sautele
por la damoisele;
molt renovele
ma joie sovent.
Ele ot gonele
de drap de Castele
qui restencele…
Dous Deus, je l’aim tant,
du cuer loiaument!
III.
57
Quant j'oi devant li vielé
pour avoir s'amour et son gré,
elle m'a bien guerredonné,
soe merci,
d'un besier a ma volenté,
Deus! que j'aim si!
Et autre chose m'a donné,
com son ami,
que j'avoie tant desirré:
or m'est meri!
Plus sui en joie
que je ne soloie,
quant cele est moie
que je tant desir;
je n'en prendroie
avoir ne mounoie;
pour riens que voie
ne m'en qier partir:
ançois vueil morir!
Quant j’oi devant li vïelé
pour avoir s’amour et son gré,
elle m’a bien guerredoné,
soe merci,
d’un besier a ma volenté,
Deus! que j’aim si!
Et autre chose m’a donné
com son ami,
que j’avoie tant desirré:
or m’est meri!
Plus sui en joie
que je ne soloie
quant cele est moie
que je tant desir;
je n’en prendroie
n’avoir ne mounoie;
pour riens que voie
ne m’en qier partir
ançois vueil morir
Quant j’oi devant li vielé
por avoir s’amor et son gré,
ele m’a bien guerredoné,
soie merci,
d’un besier a ma volenté
Deus! que j’aim si!
Et autre chose m’a doné
Com son ami…
que j’avoie tant desiré
or m’est meri!
Plus sui en joie
que je ne soloie,
quant cele est moie
que tant desir.
Je n’en prendroie
avoir ne monoie;
por riens que voie
ne m’en quier partir,
ançois vueil morir.
IV.
76
Or a Colin Muset musé
et s'a a devise chanté
pour la bele au vis coloré,
de cuer joli.
maint bon morsel li a doné
et departi
et de bon vin fort, a son gré,
gel vous affi.
Ensi a son siecle mené
jusques ici:
oncor dognoie,
en chantant maine joie,
mult se cointoie,
qu'Amors veut servir,
si a grant joie
el vergier ou dognoie,
bien se conroie,
bon vin fet venir
trestout a loisir.
Or a Colin Muset musé
et s’a a devise chanté
Pour la bele au vis coloré
de cuer joli.
Maint bon morsel li a doné
et departi
et de bon vin fort a son gré
gel vous affi.
Ensi a son siecle mené
Jusques ici.
Oncor dognoie,
en chantant maine joie,
mult se cointoie,
qu’Amors veut servir,
si a grant joie
el vergier ou dognoie,
bien se conroie,
bon vin fet venir
trestout a loisir.
Or a Colins Musés musé
et s’a devise chanté
por la bel eau vis coloré
de cuer joli.
Maint bon morcel li a doné
et departi,
et de bon vin fort, a son gré,
jel vos affi.
Ensi a son siecle mené
jusques ici.
Encor donoie,
en chantant mainte joie
molt se cointoie
qu’Amors veur servir,
si a grant joie,
el bergier pu donoie;
bien se conroie
bon vin fait venir
trestot a loisir.