BdT 389,3
Mss.: A 36, I 146, K 132, N² 16, a¹ 199, d 341, ψ 1 = Raimbaut d'Aurenga; N 248 = anonimo.
Metrica: a3 a4 b4 c3 c4 b4 d3 d4 b4 e3 b6 e8 (Frank 197:1). Chanson di 8 coblas doblas di 12 versi, seguite da 2 tornadas di 3. Alternanza dei mots-refrains ai vv. 1-2, 4-5, 7-8 e 9-10 di ogni cobla.
Edizioni: Pattison 1952, p. 125; Milone 1998, p. 57; Milone 2004, p. 7.
Vai al Rialto [1].
I.
Aissi mou
un sonet nou,
on ferm e latz
chansson leu,
pos vers plus greu
fan sorz dels fatz.
Q’er er vist,
pos tan m’es quist,
cum sui senatz;
si cum sol,
fora mos cors vesatz;
mas chamjar l’ai pos quex o vol.
II.
Tot m’es nou
qan vei, si·m mou
fin’amistatz;
far posc greu
— ve·us que dic leu —
mas voluntatz,
tant ai quist,
car ai ben vist
cum poja gratz;
c’ab mo vol
for’ ieu fort aut pojatz!
Anquer es mos gratz lai on sol.
III.
Tant ai prim
mon cor qand rim
que·ls adiratz
tem de loing;
mas de pres poing,
cum fos amatz,
per cel joi
don fals ni croi
non an solatz —
trop derrenc!
Car dic q’ieu l’am; qu’assatz
fai si·m sofre q’ieu la·m sovenc.
IV.
Amors, rim
co·s vuoilla prim;
pos m’etz de latz
en que poing?
C’ab colp de loing
son pres nafratz;
tot m’es croi
qan d’autre joi
sol me tocatz.
Si no·us venc,
amors, mala fui natz!
Que puosc’ amar e mens ric renc!
V.
Ges un sou
non pretz, qan plou
si·m sui moillatz,
freig ni neu;
tant ai pes breu
del joi qe·m platz;
mas, per Crist,
pos mi fai trist
cant pes iratz:
‘Cor ai fol
c’ar am sol ses solatz.’
Aissi torn mon bon pens en dol.
VI.
Era·m plou!
Qe·m fara sou
trichan ses datz;
et, en breu,
vei cazer neu.
Anz es estatz!
Tant ai trist
mon cor, per Crist,
totz sui camjatz —
q’er ai dol
et er ai gaug viatz;
ve·us m’en savi e ve·us m’en fol.
VII.
Qand nos vim,
sempr’ es al cim
mos cors ausatz.
Puois d’als soing
non ac, ni·s joing
vas autre latz;
per que·m coi?
C’alres m’enoi:
‘Trop l’am! — Non fatz!’
Lai la tenc
eu tant cant al cor platz,
c’anc pos la vic d’als no·m sovenc.
VIII.
Sus d’aut cim
fui quand nos vim,
jos davallatz
si no·s joing
so dont ai soing;
mas ni guidatz
lui n’ennoi.
Amors, pro·m coi!
D’ella penssatz?
No·us sovenc
anc de las mas mi datz
la mort, c’ar vezetz qe·m sostenc?
IX.
Trop mi tenc
q’en lai non sui anatz
saber d’amor s’anc l’en sovenc.
X.
No·m sovenc
anc d’ela — so sapchatz —
mas una vetz qe·l vi e·m tenc.
 |
⸿Raembautz daurenga. AJssi mou. Un sonet nou. on ferm elatz. Chansson leu. pos uers clus greu. fan sorz dels faz. qer er uist. Pos tant mes qist. Cum sui senatz. sicum sol. Fora mos cors uesatz. Mas chamiar lai pe(n)s. qel souol. |
 |
Tot mes nou. qan uei sim mou. fina amistatz. far puosc greu. uas q(ue) dic leu. Mas uolontatz. tant ai quist. Car ai ben uist. Cum parra gratz. Cab mo uol. for ieu fort aut poiatz. anqer es mos gratz. lai on sol. |
 |
Tant ai prim. Mon cor quand rim. qelsad iratz. tem deloing. Mas depres poing. cu(m) fos amatz. p(er) cel ioi. don fals ni croi. non ant solatz. trop derrenc. car dic qieu lam. quassatz. fai sim sofre qieu lam. niluol. |
 |
Amors rim. Cois uuoilla prim. pos mes Delatz. Enque poing. Cab colp de loing. senpres nafratz. tot mescroi. qan dau tre ioi sol me tocatz. Si nous uenc. amors mala fui natz. Que puosca amar eme ins ric renc. |
 |
Ges un ou. Nonpretz qan plou. Sim sui moillatz. freig ni neu. Tant ai es greu. del ioi qem platz. Mas p(er) crist. pos mi fai trist. Cant pes iratz. Corai fol. caram sol ses solatz. aissi torn mon bon pens. endol. |
  |
Eram pleu. qem fara seu. Trincha sesdatz. Esin breu. uei chaser neu. anz es estatz. tant ai trist. Moncor p(er) crist. Totz sui ca(m)iatz qerai dol et erai gaug. erauiatz. ueus men saui eueus men fol. |
 |
Qand nos uim. senpres alcim. Mos cors ausatz. puois dais soing. non ac nis ioing. uas autre latz. p(er)que soi. calres menoi. trop lam non fatz. Lai latenc. ca(n)t al cor platz. canc pos lauic dals no(m) souenc. |
 |
Sus daut cum. fui qand nos uim. Jos da uallatz. Si nois ioing. so dond ai soing. mas sui datz. alui non noi. amors p(er) soi della penssatz. nous souenc. anc de lai mas mi datz. Lamort car uezetz qem sostenc. |
 |
Trop mi tenc. qen lai non sui anatz. sa ber damor sanc len souenc. |
 |
Nom souenc. anc del so sapchatz. Mas u na uetz qel ui el tenc. |
Links:
[1] http://www.rialto.unina.it/RbAur/389.3(Milone).htm