Hueymais dey esser alegrans
Pus l'aura doussa vey venir
Et auch lays e voutas e chans
Dels auzelhs que·m fan esbaudir;
Lo gen[s] temps me fai alegrar,
Mas per Joven me desconort
Quar totz jorns lo vey sordeyar.
Testo Gaunt-Harvey-Paterson 2000
Hueymais dey esser alegrans
pus l’aura doussa vey venir,
et auch lays e voutas e chans
dels auzelhs que·m fan esbaudir.
Lo gen temps me fai alegrar,
mas per jovent me desconort
quar totz jorns lo vey sordeyar.
II.
14
D'una ren suy merayelhans
Qu'ades vey granar e florir
Escassetatz, oc ! et Enjans:
Vas qualque part me torn ni ·m vir
Cortezia ni Bel Estar
Ni Pretz ni Valor ni Deport
Vas nulha part no vey renhar.
D’una ren suy meravelhans:
qu’ades vey granar e florir
escassetatz, oc, et enjans,
vas qualque part me torn ni·m vir;
cortezia, ni ben estar,
ni pretz, ni valor, ni deport
vas nulha part no vey renhar.
III.
21
Ist lauzengier, lenguas trencans
Cuy Dieus cofonda et azir,
Meton Proeza en balans
E fan Malvestat enantir;
Mais als pros dic e vuelh pregar
Que ja us ab elhs no·s n'acort
Si en proeza vol estar.
Estz lauzengiers, lenguas-trencans –
cuy Dieus cofonda et azir –
meton proeza en balans,
e fan malvestat enantir;
mas als pros dic e vuelh preyar
que ja us ab elhs no·s n’acort
si en proeza vol renhar.
IV.
28
Eyssamens son domnas trichans
E sabon trichar e mentir,
Per que fan los autrus enfans
Als maritz tener e noyrir;
D'aqui naisso·l malvat avar
Qu'us non ama, Joy ni Deport
Ni n'auza hom entr'elhs parlar.
Eyssamens son domnas trichans
e sabon trichar e mentir,
per que fan los autrus enfans
als maritz tener e noyrir;
d’aqui naysso·l malvat cujar,
q’us no·n ama joy ni deport,
ni·n auza hom entr’ elhs parlar.
V.
35
Ja Dieus no·l sia perdonans
Qui las vol onrar ni servir,
Estas putas ardens cremans
Pejors que ieu no·us saubra dir;
Tan lor sap bo lo clau copar,
Que non hi guardon dreg ni tort,
Mas selh que mielhs las sap ronsar!
Ja Dieus no·l sia perdonans
qui las vol onrar ni servir,
estas putas ardens cremans,
peiors que ieu no·us saubria dir;
tan lor sap bo lo clau copar
que non hi guardon dreg ni tort,
mas selh que mielhs las sap ronsar.
VI.
42
Qui anc fon prezats ni amans
Per dompnas, ben s'en deu gequir!
Qu'aytan s'en aura us truans
O mais, si mais li post bastir;
Et ieu poiri' o ben proar
Per ma domna na Cropa fort
Mas ja no la vuelh decelar.
Qui anc fon prezatz ni amans
per dompnas, ben s’en deu geqir,
qu’aytan s’en aura us truans,
o mais si mais li pot bastir,
et ieu poiri’ o ben proar
per ma dona na Cropafort,
mas ja no la·n vuelh decelar.
VII.
49
Messatge[s] cortes, ben parlans,
Vai t'en en Urgel ses falhir,
E sias del vers despleyans
A'n Cabrieira, que lo remir,
E potz li dir senes gabar
Qu'en tal loc ai tornat ma sort
On elh poiria pro muzar.
Messatgier cortes, ben parlans,
vai t’en en Urgelh ses falhir,
e sias del vers despleyans
a·n Cabreira, que lo remir,
e potz li dir senes guabar,
qu’en tal loc ai tornat ma sort
on elh poiria pro muzar.
