Riproduzione fotografica

[c. 60v]
[c. 61r]

letto 361 volte

Edizione diplomatica

[c. 60v]

A nuis et de sesperance mont fait

[c. 61r]

targier de chanter. O r ai une ramenbrance

qui me fait ratalenter de chancon trouuer pour

la belle que ia our. Qui sur toute a biaute
S itost com uoi sa semblance son
tres bel uiare cler (et) sa belle contenance
et ualour. que tout le mont doit louer couui(n)t
ali demourer mon cuer sanz retour dont ie merci
souuent loial amour. Certes chierement
mauence bonne endous parler. q(ua)nt dame de tel
uaillance me fait seruir et amer (et) si bel penser q(ui)l
me uient (et) nuit (et) iour me font sentir mal de
douce sauour. M adame en tel doutance que a
li ne mos doulousser dela moureusse grauance
qui souuent mi fait plourer. et ioie mener de
ma mesestance pour li chant de ce que ie laing
sanz folour. A mours si com iai uoeillance
de madame foi porter me uoeilliez douner ioie uo(us)
par uos poissance. que pour moi reconforter me
uoeilliez douner ioie sanz des honneur ia ne la
quier auoir par autre tour.

letto 474 volte

Edizione diplomatico-interpretativa

I
Anuis et de sesperance mont fait targier de chanter. O r ai une ramenbrance qui me fait ratalenter de chancon trouuer pour la belle que ia our. qui sur toute a biaute et ualour.	Anuis et desesperance m'ont fait targier de chanter. Or ai une ramenbrance qui me fait ratalenter de chançon trouver pour la belle que j'aour, qui sur toute a biauté et valour.
II
S itost com uoi sa semblance son tres bel uiare cler (et) sa belle contenance que tout le mont doit louer couui(n)t ali demourer mon cuer sanz retour dont ie merci souuent loial amour .	Si tost com voi sa semblance, son tres bel viaire cler et sa belle contenance que tout le mont doit louer, couvint a li demourer mon cuer sanz retour, dont je merci souvent loial Amour.
III
Certes chierement mauence bonne endous parler. q(ua)nt dame de tel uaillance me fait seruir et amer (et) si bel penser q(ui)l me uient (et) nuit (et) iour me font sentir mal de douce sauour.	Certes chierement m'avence bonne en dous parler, quant dame de tel vaillance me fait servir et amer et si bel penser qu'il me vient et nuit et jour me font sentir mal de douce savour.
IV
M adame en tel doutance que a li ne mos doulousser dela moureusse grauance qui souuent mi fait plourer. et ioie mener de ma mesestance pour li chant de ce que ie laing sanz folour.	Ma dame en tel doutance que a li ne m'os doulousser de l'amoureusse gravance qui souvent mi fait plourer et joie mener. De ma mesestance pour li chant de ce que je l'aing sanz folour.
V
Amours si com iai uoeillance de madame foi porter me uoeilliez douner ioie uo(us) par uos poissance. que pour moi reconforter me uoeilliez douner ioie sanz des honneur ia ne la quier auoir par autre tour.	Amours, si com j'ai voeillance de ma dame foi porter, voeilliez vous par vos poissance que pour moi reconforter me voeilliez douner joie sanz deshonneur, ja ne la quier avoir par autre tour.

letto 447 volte

Credits | Contatti | © Sapienza Università di Roma - Piazzale Aldo Moro 5, 00185 Roma T (+39) 06 49911 CF 80209930587 PI 02133771002