Published on Lirica Medievale Romanza (https://letteraturaeuropea.let.uniroma1.it)

Oimais dei esser alegrans

BdT 293, 34

Mss: C 176, R 5

Metrica: a8 b8 a8 b8 c8 d8 c8 vers di 7 coblas di 7 versi

Editori: Jeanroy 1905d, p. 484; Dejeanne 1909, p. 165; Gaunt-Harvey-Paterson 2000, p. 427

letto 4274 volte

Edizioni

letto 521 volte

Edizioni a confronto

I.

7

Testo Dejeanne 1909

Hueymais dey esser alegrans
Pus l'aura doussa vey venir
Et auch lays e voutas e chans
Dels auzelhs que·m fan esbaudir;
Lo gen[s] temps me fai alegrar,
Mas per Joven me desconort
Quar totz jorns lo vey sordeyar.

II.

14

D'una ren suy merayelhans
Qu'ades vey granar e florir
Escassetatz, oc ! et Enjans:
Vas qualque part me torn ni ·m vir
Cortezia ni Bel Estar
Ni Pretz ni Valor ni Deport
Vas nulha part no vey renhar.

III.

21

Ist lauzengier, lenguas trencans
Cuy Dieus cofonda et azir,
Meton Proeza en balans
E fan Malvestat enantir;
Mais als pros dic e vuelh pregar
Que ja us ab elhs no·s n'acort
Si en proeza vol estar.

IV.

28

Eyssamens son domnas trichans
E sabon trichar e mentir,
Per que fan los autrus enfans
Als maritz tener e noyrir;
D'aqui naisso·l malvat avar
Qu'us non ama, Joy ni Deport
Ni n'auza hom entr'elhs parlar.

V.

35

Ja Dieus no·l sia perdonans
Qui las vol onrar ni servir,
Estas putas ardens cremans
Pejors que ieu no·us saubra dir;
Tan lor sap bo lo clau copar,
Que non hi guardon dreg ni tort,
Mas selh que mielhs las sap ronsar!

VI.

42

Qui anc fon prezats ni amans
Per dompnas, ben s'en deu gequir!
Qu'aytan s'en aura us truans
O mais, si mais li post bastir;
Et ieu poiri' o ben proar
Per ma domna na Cropa fort
Mas ja no la vuelh decelar.

VII.

49

Messatge[s] cortes, ben parlans,
Vai t'en en Urgel ses falhir,
E sias del vers despleyans
A'n Cabrieira, que lo remir,
E potz li dir senes gabar
Qu'en tal loc ai tornat ma sort
On elh poiria pro muzar.

letto 507 volte

Tradizione manoscritta

letto 1768 volte

CANZONIERE C

letto 2843 volte

Edizione diplomatica

[c. 176rB]    Marcabru
H Uey mais dey esser ale-
grans. pus laura dous-
sa uey uenir. (et)auch
lays e uoutas e chans.
  dels auzelhs quem fan esbau-
  dir. lo gen temps me fai alegrar.
  mas per iouent me desconort.
  quar totz iorns lo uey sordeiar.

D una ren suy merauelhans.
  qua des uey granar e florir. es-
  cassetatz oc (et) enjans. uas qual
que part me torn nim uir. cor-
  tezia ni ben estar. ni pretz ni
  ualor ni deport. uas nulha part
  no uey renhar.

E stz lauzengiers lenguas tren-
  cans. cuy dieus cofonda (et) azir.
  meton proeza en balans. e fan
  maluestat enantir. mas als pros
  dic e uuelh preyar. que ia us ab
  elhs nos nacort. si en proeza uol

E yssamens son do(n) renhar.
  nas trichans. e sabon trichar e
  mentir. per que fan los autrus
  enfans. als maritz tener e noy-
rir. daqui nayssol maluat cujar.
qus non ama ioy ni deport. nin
auza hom entrelhs parlar.

I a dieus nol sia perdonans. q(ui)
  las uol onrar ni seruir. estas
putas ardens cremans. peiors
  que ieu nous saubria dir. tan
  lor sap bo lo clau copar. q(ue) no(n) hi
guardon dreg ni tort. mas selh
  que mielhs las sap ronsar.

Q ui anc fon prezatz ni amans.
  per dompnas ben sen deu geq(ui)r.
  quay tan sen aura us truans. o
  mais si mais li pot bastir. (et)ieu

[c. 176vA] poirio ben proar per ma dona na
cropa fort mas ia no lan uuelh de-

M essatgier cortes ben par celar.
  lans. uai ten en urgelh ses falhir.
e sias del uers despleyans. an ca-
  breira que lo remir. e potz li dir
  senes guabar. quen tal loc ai tor
  nat ma sort on elh poiria pro muzar.

letto 2612 volte

Riproduzione fotografica

Vai al manoscritto [1]

letto 418 volte

CANZONIERE R

letto 513 volte

Edizione diplomatica

[c. 5rA]

m(a)rc e bru U Ei mai dey esser alegra(n)s. pus laura dossa uey uenir. (et)
auch lays e uoutas e chans dels auzels.q(ue) fa(n) esbaudir
lo gen temps mi fay alegrar. mas p(er) ioue(n) me desconort
car tot iorn lo uey sordeiar.

D una res soy merauilhha(n)s
pcades uey granar eflurir. (et) escasetatz oc e enians. uas q(ua)l q(ue) partme-
torn nim uir. cortezia ni bel estar. ni pretz ni ualor ni deport. uas
nulha part no ueg renhar.

E stz lauze(n)giers lenguas tre(n)cans. q(ui)
dieus cofonda (et) azir. meto(n) p(ro)eza e(n) balans. e fan maluestat ena(n)-
tir. mas als pros dic e uuelh proar. q(ue) ia us ab els nos nacort
si e(n) p(ro)eza uol estar.

E issamens so(n) donas tricha(n)s. e sabo(n) trichar e
mentir p(er) q(ue) fa(n) los autrus efa(n)s. als maritz tener e noirir. daisi
naisol maluat cuiar. cus no(n) ama ioi ni deport. ninauza ho(m) e(n)trels
parlar.

I a dieus nol sia p(er)dona(n)s. q(ui) las uol o(n)rar e seruir. estas
putas arde(n)s cremans. peiors q(ui)eus nous sabria dir. tan lor sap bo
lo claucopar. q(ue) noi gardo dreg ni tort. may sel q(ue) mielhs las sap
ro(n)sar.

Q ui anc fo(n) prezatz ni amans.p(er) donas be sen deu giquir.
cayta(n) sen aura us truans. o may si mays li pot bastir. (et) yeu poy-
ria obe(n) proar.p(er) ma dona na cropa fort. mas ia no lan uuelh
desselar.

M Essatie cortes be(n) parlaus. uay te(n) urgel ses fa-
lhir. e sias del uers despleyans an de cabrieyra q(ue)l remir. e potz
li dir senes gabar. q(ue)n tal loc ay tornat ma sort. o(n) el poyria trop
muzar. E potz li dir senes gabar. q(ue)n tal loc ay tornat ma sort. o(n)
el poyria trop musar.

letto 526 volte

Riproduzione fotografica

Vai al manoscritto [2]

letto 630 volte

Source URL: https://letteraturaeuropea.let.uniroma1.it/?q=laboratorio/oimais-dei-esser-alegrans

Links:
[1] https://gallica.bnf.fr/ark:/12148/btv1b8419246t/f419.item.zoom
[2] https://gallica.bnf.fr/ark:/12148/btv1b60004306/f23.item.zoom