| La comtessa de dia fi so moiller den Guillem depeiteus. Bella dompna ebo na. Et enamoret se den Raembaut daurenga. Efetz de lui maintas boinas chanssos ebellas. AB ioi et ab iouen mapais. Eiois e jovens m’apaia. que mos amics es lo plus gais. p(er) qieu sui coindeta egaia. Epois eu lisui ueraia. beis tai(n)g qel me sia uerais. Canc de lui amar nomestrais. Niai cor q(ue) men estraia. Mout mi plai car sai que ual mais. sel qieu plus desir que maia. Ecel q(ue) primiers lomatrais. dieu prec que gran ioi latraia. Equi que mal len retraia. nol creza fois qui cel retrais. Com cuoill maintas uetz los balais. ab qel mezeis se balaia. E dompna qenbon pretz senten. deu ben pausar sentendenssa. En un pro cauallier ualen. pois quill conois sa ualenssa. que laus amar apresenssa. q(ue) do(m)pna pois ama apresen. Ja pois li pro ni li ualen. non dirant mas a uinenssa. Qieu nai chausit un pro egen. p(er) cui pretz meillura e genssa. Larc et adreig econoissen. On es sens econoissenssa. prec li qem aia crezenssa. nihom noil puosca far crezen. Qieu fassauas lui faillimen. sol non trob en lui faillen sa. Amics lauostra ualenssa. sabon li pro eliualen. p(er) qieu uos qier deman tenen. sius plai uostra ma(n)tenen sa. |