Edizione diplomatico-interpretativa

Versione stampabilePDF version

 

  Jaufre rudel de blaya.   Jaufre Rudel de Blaya.
    I
   P          Ro ai
  del chan essenhadors. en-
              torn mi (et)ensenhairitz.
              pratz e uergiers albres
   e flors. uoutas dauzelhs e lays
   e critz. per lo dous termini suau.
   quen un petit de ioy mestau.
   don nulhs deportz nom pot iau-
   zir. tan cum solatz damor ualen.
  Pro ai del chan essenhadors
  entorn mi et ensenhairitz:
  pratz e vergiers, albres e flors.
  voutas d'auzelhs e lays e critz.
  per lo dous termini suau;
  qu'en un petit de joy m'estau,
  don nulhs deportz no
·m pot jauzir
  tan cum solatz d'amor valen.
    II
  L as pimpas sian als pastors.
   (et) als enfans bordeitz petitz. e mi-
   as sion tals amors. don ieu sia
   iauzens iauzitz. quieu la sai bo-
   na tot aitan. ues son amic en
   greu loguau. per so suy trop so-
   en marritz. quar non ai so q(ua)l
   cor naten.
  Las pimpas sian als pastors
  et als enfans bordeitz petitz,
  e mias sion tals amors
  don ieu sia jauzens jauzitz.
  Qu'ieu la sai bona tot'aitan
  ves son amic en greu loguau:
  per so suy trop soen marritz
  quar non ai so qu'al cor n'aten.
    III
  L uenh es lo castelhs ela tors.
   ont elha iay e sos maritz. e si
   per bos cosselladors. cosselhan
   no suy enantitz. quautre cos -
   selhs petit men uau. aitant
   nay fin talan corau. alres noy
   a mais del murir. sal qun ioy.
   non ai en breumen.
  Luenh es lo castelhs e la tors
  ont elha jay e sos maritz,
  e si per bos cosselladors
  cosselhan no suy enantitz
  qu'autre cosselhs petit m'en vau,
  aitant n'ay fin talan corau
  alres no
·y a mais del murir,
  s'alqun joy non ai en breumen.
    IV
  T otz los uezis a pel senhors.
   del renh on sos ioys fo noyritz.
   e crey quem sia grans honors.
   quar ieu dels plus en uilanitz.
   cug que sion cortes leyau. ues
   lamor quins el cor men clau.
   ai bon talant e bon albir. e say
   quilh na bon escien.
  Totz los vezis apel senhors
  del renh on sos joys fo noyritz,
  e crey que
·m sia grans honors
  quar ieu dels plus envilanitz
  cug que sion cortes leyau.
  Ves l'amor qu'ins el cor m'enclau
  ai bon talant e bon albir,
  e say qu'ilh n'a bon escien.
    V
  Ma uoluntat sen uay lo cors. la
   nueit el dia esclarzitz. laintz
   per talant de son cors. mas tart
   mi ue e tart mi ditz. amicx fas
   elha gilos brau. an comensat
   tal batestau. que sera greus a de -
   partir. tro quab duy en siam iau -
   zen.
  Ma voluntat s'en vay lo cors,
  la nueit e
·l dia esclarzitz,
  laintz per talant de son cors;
  mas tart mi ve e tart mi ditz:
  "Amicx", fa selha, "gilos brau
  an comensat tal batestau
  que sera greus a departir,
  tro qu'abduy en siam jauzen".