| I. |
| Anc yeu non laic mas ela ma. trastot en sonpo der amors. e fai mirat let saui fol. con seluj q(ue)n res nos torna.com nos defen que ben ama. camors comanda. co(m)z la s(er)ua e la blanda. p(er) quieu naten. souen. bona partida can messescarida. |
| Anc yeu non l'aic mas ela m'a trastot en son poder Amors e fai·m irat let, savi fol con selui qu'en res no·s torna, c'om no·s defen que ben ama, c'Amors comanda c'omz la serva e la blanda: per qu'ieu n'aten soven bona partida can m'es sescarida. |
| II. |
| Be(n) dic pauc q(ui)ns el cor mesta. estar me fai teme(n) paors. la lengua mas lo cor no(n) uol. so do(n) se dol. ilh se soior(n) eieu languisc. mas no se(n) clam(a) que can aranda. con m(a)r e terra guaranda. no(n) a ta(n) ge(n) pre ze(n) com la chauzida. q(ui)eu ei e(n)cobida. |
| Ben dic pauc qu'ins el cor m'esta estar me fai temen paors; la lengua, mas lo cor non vol so don se dol ilh se soiorn e ieu languisc, mas no s'en clama, que can aranda con mar e terra guaranda non a tan gen, prezen, com la chauzida qu'ieu ei encobida. |
| III. |
| Tan say so(n) pretz fi e serta. p(er) q(ui)eu nom puesc uirar ailhors. q(ue) so fas yeu clau ni soiorna. yeu no(n) aus dir q(ue)m aflama lo cor mabranda el huelh an lal car solame(n). ueze(n). mestai aizida. ueus q(ue)m te(n) a uida. |
| Tan say son pretz fi e serta per qu'ieu no·m puesc virar ailhors; que so fas yeu clau ni soiorna: yeu non aus dir que m'aflama; lo cor m'abranda e·l huelh an lal car solamen vezen m'estai aizida. Veus que·m ten a vida! |
| IV. |
| Fols es q(ui) p(er) parlar q(ue)r qom fos iois sia dolors. que lauze(n)gier cuj di eus afol. no(n) agues lenga tan dorna. lus cosselha lautre brama. p(er) ques demanda. amors tals fora granda. mais iem defen fenhen. de lor brugida. (et) am ses falhida. |
| Fols es qui per parlar quer qom fos iois sia dolors, que lauzengier, cui Dieus afol, non agues lenga tan dorna: l'us cosselha lautre brama, per que·s demanda amors tals fora granda; mais ie·m defen fenhen de lor brugida et am ses falhida. |
| V. |
| Mans bo(n) chantar leuet e pla. nagrieu pus fag sim fes secors. silh q(ue)m dona ioy el me tol. car soi letz er mostratorna. q(ue) ab so(n) uol me(n) liama. res nol demanda mos cors ni nol fai ganda. ans francame(n). lim ren. doncx sim oblida. m(er) ces er perida. |
| Mans bon chantar levet e pla n'agr'ieu pus fag si·m fes secors silh que·m dona ioy e·l me tol, car soi letz er m'o stratorna, que ab son vol m'en liama. Res no·l demanda mos cors ni no·l fai ganda, ans francamen li·m ren: doncx, si m'oblida, Merces er perida. |