| I | |
| peirols. P us flum iordan ai uist el monime(n). auos uer dieus q(ue)s q(ue)s senher dels senhors ne rent lauzors. car uos platz tant don- ors. q(ue)l sante loc on nasq(ue)s v(er)amen. mauetz mostrat. do(n) ai mo(n) cor iauzen. car sieu era en prœnsa dun an. nom clamarian sarrazis ioan. |
peirols Pus flum Iordan ai vist e·l monimen a vos ver Dieus, qu'es ques Senher dels senhors, ne rent lauzors, car vos platz tant d'onors que·l sante loc on nasques veramen m'avetz mostrat, don ai mon cor iauzen, car s'ieu era en Proensa, d'un an no·m clamarian sarrazis Ioan. |
| II | |
| A rans do(n) dieus bonamar e bo ue(n). e bona nau e bon(s) guou(er)nadors. ca marselha me(n) uuelh tornar decors. car sieu era de lai mar v(er)ame(n). a- cre e sur e tripol. el sirue(n) el espital. el te(m)ple el rey ioan. coman a dieu e laigua de rotlan. |
Ara·ns don Dieus bona mar e bo ven e bona nau e bons guovernadors, c'a Marselha m'en vuelh tornar de cors, car s'ieu era de lai mar veramen, Acre e Sur e Tripol e·l Sirven e·l Espital e·l Temple e·l rey Ioan coman a Dieu e l'aigua de Rotlan. |
| III | |
| Q uen la t(er)ra a a croy esmendame(n). del rey richart de fransa ab sas flors. solia au(er) bos reys e bos senhors. en espanha .i. autre rey uale(n). et mo(n) ferrat bo(n) marq(ue)s eyssame(n). el emperi emperador preza(n). aq(ue)stz q(ue)i son no sai cos capte(n)ran. |
Qu'en la terra a a croy esmendamen del rey Richart de Fransa ab sas flors, solia aver bos reys e bos senhors, en Espanha .i. autre rey valen, et Monferrat bon marques eyssamen, e l'emperi emperador prezan, aquestz que·i son no sai co·s captenran. |
| IV | |
| B el senher dieus si fossetz a mo(n) se(n). be(n) garderatz q(ui) faitz emp(er)adors. ni q(ui) faitz rey ni datz castels ni tors. car pus so(n) ricx uos teno(n) a nien. q(ui)eu vi anta(n) faire mans sagrame(n). lemperador do(n) ar sen vai camian. co fes lo gasc q(ue) traisses del afan. |
Bel Senher Dieus, si fossetz a mon sen, ben garderatz qui faitz emperadors ni qui faitz rey ni datz castels ni tors, car pus son ricx, vos tenon a nien, qu'ieu vi antan faire mans sagramen l'emperador don ar s'en vai camian co fes lo gasc que traisses de l'afan. |
| V | |
| E mp(er)ador damiataus ate(n) e nuech e ior(n) plora la blanca tors. p(er) uos traigla. q(ue)n gitet .i. voutors. volpilha es aigla. q(ue) voltor pre(n). aita(n) auetz el souda(n) o(n)radamen e part lanta auetz y tug tal dan. q(ue)uostra ley sen uay trop rezegan. |
Emperador, Damiata·us aten, e nuech e iorn plora la blanca tors per vostr' aigla que·n gitet .i. voutors: volpilha es aigla que voltor pren, aitan avetz e·l soudan onradamen, e, part l'anta, avetz y tug tal dan que vostra ley s'en vay trop rezegan. |