Edizione diplomatico-interpretativa

Versione stampabilePDF version
  I
Pvs flum iordan ai uist el
monimen. auos uers.
dieus ques senher dels se
nhors. ne ren merces q(a)r
uos plac tan donors. quel sancte
loc on nasques ueramen. mauetz
mostrat don ai mon cor iauzen.
quar sieu era em proensa dun an.
nom clamarian sarrazis iohan.
Pus flum Iordan ai vist e·l monimen
a vos vers Dieus, qu'es Senher dels senhors,
ne ren merces, qar vos plac tan d'onors
que·l sancte loc on nasques veramen
m'avetz mostrat, don ai mon cor iauzen,
quar s'ieu era em Proensa, d'un an
no·m clamarian sarrazis Iohan.
  II
Arans don dieus bona uie bon
uen. e bona nau e bos gouerna
dors. qua mar celha men uuelh
tornar decors. quar sieu era d(e) lay
mar ueramen. acre e sur e tripol
el siruen. el espital el templel rey
iohan. coman a dieu e laigua de
                                        | rotlan.
Ara·ns don Dieus bona vi' e bon ven
e bona nau e bos governadors
qu'a Marcelha m'en vuelh tornar de cors,
quar s'ieu era de lay mar veramen,
Acre e Sur e Tripol e·l Sirven
e·l Espital e·l Templ' e·l rey Iohan
coman a Dieu e l'aigua de Rotlan.
  III
Q uen la terra a croy   
emendamen. del rey richart de
fransa ab sas flors. solia uer bon
rey e bos senhors. e nespanha un
autre rey ualen. e mon ferrat bo
marques eyssamen. el emperi
emperador prezan. aquestz q(ue)y-
son no sai quos captenran.
Qu'en la terra a croy emendamen
del rey Richart de Fransa ab sas flors,
soli' aver bon rey e bos senhors,
en Espanha un autre rey valen,
e Monferrat bo marques eyssamen,
e l'emperi emperador prezan,
aquestz que·y son no sai quo·s captenran.
  IV
Belh senher dieus si feyssetz a
mon sen. ben guardaratz q(ui) faitz
emperadors. ni qui faitz reys ni
datz castels ni tors. quar p(us) son
rics uos teno anien. q(ui)eu ui an-
tan faire man sagramen. lempe
rador don ar sen uai camjan. quo
fes lo guasc que traisses de la fan.
Belh Senher Dieus, si feyssetz a mon sen,
ben guardaratz qui faitz emperadors
ni qui faitz reys ni datz castels ni tors,
quar pus son rics, vos teno a nien,
qu'ieu vi antan faire man sagramen
l'emperador don ar s'en vai camjan
quo fes lo guasc que traisses de l'afan.
  V
E mperador damiataus aten. e
nueg e iorn plora la blanca tors.
per uostraigla quen gitet us uou-
tors. uolpilla es aigla q(ue) uoutor
pren. antay auetz el soudan on
ramen. e part lanta auetz hi
tug tal dan. que nostra ley sen
uai tro rezeguan.
Emperador, Damiata·us aten,
e nueg e iorn plora la blanca tors
per vostr' aigla que·n gitet us voutors:
volpilla es aigla que voutor pren,
anta·y avetz e·l soudan onramen,
e, part l'anta, avetz hi tug tal dan
que nostra ley s'en vai tro rezeguan.