| Chanso don li mot son plazen eprim. fas pos ar. botonon cill uim. elausor sim . son decolor . demainta flor. eill cha(n) eill braill. son alombraill.dels auzels per labrueilla. |
Arnaut Chanso don li mot son plazen e prim fas pos ar botonon cill vim, e l’ausor sim son de color de mainta flor, e.ill chan e.ill braill son a l’ombraill dels auzels per la brueilla. |
| Pels brueils aug lo chan el refrim. e percom nomen fassa crim. obri elim. motz deualor. abart damor. don nonai cor q(ue)m tueill. ans si bem failh la sec atraill. onplus uas.mi sorgueilla. |
Pels brueils aug lo chan e.l refrim, e per c’om no m’en fassa crim obri e lim motz de valor ab art d’Amor, don non ai cor que.m tueill; ans, si be.m failh, la sec a traill, on plus vas mi s’orgueilla. |
| Re no ual orgueill damador. cades tra buca son senhor. del loc ausor. bas el terraill. per tal trebaill. que de.ioi lo despueilla. dreitz es la∙crim. (et) art erim. cel que damor iangueilla. |
Re no val orgueill d’amador c’ades trabuca son senhor del loc ausor bas el terraill, per tal trebaill que de ioi lo despueilla: dreitz es lacrim e art e rim cel que d’amor iangueilla. |
| Bona dona ues cui azor. ges per ergu eill non uau aillor. mas per paor del deuinal. don iois trassaill. fatz senblo(n) que nosuueilla. canc nons iauzim. de lur noirim. mal mes que lur ho cu eilla. |
Bona dona ves cui azor, ges per ergueill non vau aillor, mas per paor del devinal don iois trassaill, fatz senblon que no.s vueilla, c’anc no.ns iauzim de lur noirim: mal m’es que lur ho cueilla. |
| Aram fam damor don bad all. eno sec mezura ni taill. sols mo enguaill. canc non auzim. del tems caim. amador m eins acueilla. cor trichador. perque mos iois capdueilla. |
Ar am fam d’amor don badaill e no sec mezura ni taill; sols m’o enguaill c’anc non auzim, del tems Caim, amador meins acueilla cor trichador: per que mos iois capdueilla. |
| Si bem uau pertot aesdaill. mos pen samens lai uos assaill. quieu chan euaill pel ioi quens fim. las on. partim. don souen. lueill me mueilla. dire de plor. ede dousor. pro ai damar quim dueilla. |
Si be.m vau per tot a esdaill, mos pensamens lai vos assaill, qu’ieu chan e vaill pel ioi que.ns fim las o.n partim, don soven l’ueill me mueilla d’ir e de plor e de dousor, pro ai d’amar qui.m dueilla. |
| Dona qui ques destueilla. arnautz dreg cor. lai on es honor. quar uostres pretz cabdueilla.Arnaut daniel. |
Dona, qui que.s destueilla, arnautz dreg cor lai on es honor quar vostres pretz cabdueilla. |