Peirol daluergna. | Peirol d'Alvergna | ||
DEl sieu tort farai en menda. leis qem fes partir de se. qenqer ai talen qiel renda. sil platz mas chansos e me. ses respieg dautra merse. sol suefra qen leis mentenda. e qel bel nien natenda.
|
Del sieu tort farai enmenda, | 1 | 1 |
leis qe·m fes partir de se, | 1 | 2 | |
q'enqer ai talen qiel renda, | 1 | 3 | |
si·l platz, mas chansos e me, | 1 | 4 | |
ses respieg d'autra merse; | 1 | 5 | |
sol suefra q'en leis m'entenda | 1 | 6 | |
e qe·l bel nien n'atenda. | 1 | 7 | |
IA per negun mal q(e)m pre(n)da. de samistat nom'recre. ansu- efri qades mensenda. la penael dan qe menue. fairem degra qalqe be. mas non tainh q(i)eu lan reprenda. si tot ses uers qil mesprenda.
|
Ia per negun mal qe·m prenda | 2 | 1 |
de s'amistat no·m recre, | 2 | 2 | |
an·suefri q'ades m'ensenda | 2 | 3 | |
la pena e·l dan qe m'en ve: | 2 | 4 | |
faire·m degra qalqe be, | 2 | 5 | |
mas non tainh q'ieu la·n reprenda | 2 | 6 | |
sitot s'es vers q'il mesprenda. | 2 | 7 | |
MOut consir e nueg e dia. e no mensai conseilhar. pero sises deuenia. grantalent ai qun baisar. li poges tolromblar. e sil pueis sen iraissia. uolo(n) tier loli rendria.
|
Mout consir e nueg e dia | 3 | 1 |
e no m'en sai conseilhar; | 3 | 2 | |
pero si s'esdevenia, | 3 | 3 | |
gran talent ai q'un baisar | 3 | 4 | |
li poges tolr' o 'mblar, | 3 | 5 | |
e si·l pueis s'en iraissia | 3 | 6 | |
volontier lo li rendria. | 3 | 7 | |
BEn conosc qieu non poiria. mo(n) cor de samor ostar. p ira ni per feunia. ni p(er) autra do(m)- na mar. no mo qal plus ense inhar. aissi qol plazera sia. qieu lamerai ses bauzia. |
Ben conosc q'ieu non poiria | 4 | 1 |
mon cor de s'amor ostar | 4 | 2 | |
p'ira ni per feünia | 4 | 3 | |
ni per autra domn' amar; | 4 | 4 | |
no m'o qal plus enseinhar, | 4 | 5 | |
aissi qo·l plazera sia, | 4 | 6 | |
q'ieu l'amerai ses bauzia. | 4 | 7 | |
El mon non es hom qe teinha. tan apoderat amors. qe ges no uol qieu reteinha. los plazers ni las honors. qauria trobat ailhors. ans uol qe sai mi destreinha. per tal q(e) nom uol nim deinha.
|
El mon non es hom qe teinha | 5 | 1 |
tan apoderat Amors, | 5 | 2 | |
qe ges no vol q'ieu reteinha | 5 | 3 | |
los plazers ni las honors | 5 | 4 | |
q'auria trobat ailhors, | 5 | 5 | |
ans vol qe sai mi destreinha | 5 | 6 | |
per tal qe no·m vol ni·m deinha. | 5 | 7 | |
BElla donna encui reinha. se(n)s e beutatz e ualors. sufrires qaissim destreinha. lo dezirs e la dolors. siuals dels plazers menors. me fes tan qe ioi me(n) ueinha. si qa uos non desco ueinha.
|
Bella donna, en cui reinha | 6 | 1 |
sens e beutatz e valors, | 6 | 2 | |
sufrires q'aissi·m destreinha | 6 | 3 | |
lo dezirs e la dolors? | 6 | 4 | |
Sivals dels plazers menors | 6 | 5 | |
me fes tan qe ioi m'en veinha, | 6 | 6 | |
si q'a vos non descoveinha. | 6 | 7 | |
CHansoneta uai decors. ami dons dir qet reteinha. pos mi retener nom deinha. |
Chansoneta, vai de cors | 7 | 1 |
a midons dir qe·t reteinha, | 7 | 2 | |
pos mi retener no·m deinha. | 7 | 3 |