|
AB guay ar(naut)z. daniel. so cuyndet e leri. fas motz e capol e doli. que seran uerai e sert. quan naurai passadal lima. qua mor ma plana em daura. mon cha(n) tar que de tal mueu. cuy pretz manten e guouerna. |
Arnautz Daniel AB guay so cuyndet e leri fas motz e capol e doli, que seran verai e sert quan n’aurai passada.l lima qu’amor m’aplana e.m daura mon chantar, que de tal mueu cuy pretz manten e guoverna. |
|
Tan lam de cor e la queri. q(ua)b trop uoler cug lam toli. som re(n) per trop amar pert. quel sieu cors sobretrasima. lomieu totz e non sai saura. tan nai dauer fag renueu. quobrador nay e tauerna. |
Tan l’am de cor e la queri qu’ab trop voler cug la.m toli, s’om ren per trop amar pert, que.l sieu cors sobretrasima lo mieu totz e non s’aisaura: tan n’ai da ver fag renueu qu'obrador n’ay’e taverna. |
|
Tot iorn melhur (et) esmeri. quar la genser am e coli. del mon sous dic en apert. sieu so del pe tro la cima. e si tot ue(n)ta freg aura. lamor quins el cor mi mueu. mi ten caut on pl(us) |
Tot iorn melhur e esmeri quar la genser am e coli del mon, so.us dic en apert: sieu so del pe tro la cima, e si tot venta freg aura l’amor qu’ins el cor mi mueu mi ten caut on plus yverna. |
|
Ges pel maltrag q(ue)n yuerna. soferi. de ben amar nom destoli. si tot mi ten en dezert. p(er) lieys fas lo son el rima. piegz tratz amans quom que laura. q(ua)nc non amet plus dun hueu. selh den ancli audierna. |
Ges pel maltrag que.n soferi de ben amar no.m destoli; si tot mi ten en dezert per lieys fas lo son e.l rima: piegz tratz, amans, qu’om que laura, qu’anc non amet plus d’un hueu selh de Nancli Audierna. |
|
Mil messas naug en proferi. en art lums de cerae doli. que dieu men don bon acert. de li eys on nom ual escrima. e q(ua)n remir sacrin saura. el cors q(ue)s delguat e nueu. mais lam que quim des luzerna. |
Mil messas n’aug e.n proferi e.n art lums de cera e d’oli que Dieu m’en don bon acert de lieys on no.m val escrima; e quan remir sa crin saura e.l cors qu’es delguat e nueu mais l’am que qui.m des Luzerna. |
|
Nouuelh de roma lemperi. ni quom men fassa postoli. q(ue)n lieys non aya reuert. quaissi mart lo cor em rima. e sil mal trait nom restaura. ab un bai zar quem don nueu. mi auci e si enferna. |
No vuelh de Roma l’emperi ni qu’om m’en fassa postoli, qu’en lieys non aya revert qu’aissi m’art lo cor e.m rima; e si.l maltrait no.m restaura ab un baizar que.m don nueu mi auci e si enferna. |
|
Ieu suy arnautz qua malau ra. e cas la lebre ab lo bueu. e nadi contra suberna. ar(naut)z. da |
Ieu suy Arnautz qu’ama l’aura e cas la lebre ab lo bueu e nadi contra suberna. |