| I | |
| [.]En uu oill que sapchon li plui sor. Un uer set de bona color. Queu ai trah de mon obrador. Queu port daicel mester laflor. Ez es uertatz. Epos ne trairel uers autor. Can er lassaz. |
[.]en vuoill que sapchon li pluisor un verset de bona color, qu'eu ai trah de mon obrador, qu'eu port d'aicel mester la flor ez es vertatz, e pos ne traire·l vers autor can er lassaz. |
| II | |
| [.]U conosc ben sen efolor. Eco nosc ancta ehonor. Ez ai ar dimen epaor. Esim partez un ioc damor. Non sui tant fatz. Non sapcha prendre lo meillor. Dentrel maluatz. |
[.]u conosc ben sen e folor e conosc ancta e honor ez ai ardimen e paor, e si·m partez un ioc d'amor non sui tant faz non sapcha prendre lo meillor d'entre·l malvatz. |
| III | |
| [.]U conosc celui que bemdi. Ecel quem uol mal autresi. E conosc be ce lui quem ri. Esill pro sasau ton de mi. Conosc assatz. Cau tresi deu uoler lor fi. Elor solatz. |
[.]u conosc celui que be·m di e cel que·m vol mal autresi e conosc be celui que·m ri, e si·ll pro s'asauton de mi conosc assatz, c'autressi deu voler lor fi e lor solatz. |
| IV | |
| [.]A ben aia cel quem nori. Q(ue) tant bon mester mescari. Que anc anegun non failli. Queu sai iogar sobre coissi. Atotz tocatz. mais ensai denul mon uezi. Quel quem uezaz. |
[.]a ben aia cel que·m nori, que tant bon mester m'escari que anc a negun non failli, qu'eu sai iogar sobre coissi a totz tocatz, mais en sai de nul mon vezi quel que·m vezaz. |
| V | |
| [.]Ieu enlau ez saint iulia. tant ai apres del ioc dolcha. Que sobre totz nai bona ma. Mas ia qui conse ill me quera. Noil er uedatz. ni nuill demi nontornera. Desconseillatz. |
[.]ieu en lau ez Saint Iulia: tant ai apres del ioc dolcha que sobre totz n'ai bona ma mas ia qui conseill me quera no·il er vedatz ni nuill de mi non tornera desconseillatz. |
| VI | |
| [.]Ue uai momaistre certa. Ni ia una noit nomaura. Q(ue) nom uuoilla uer lendema. Queu soi ben des mestier so bra. Tan en seinaz. Que be(n) sai gazaignar monpa. En totz mercatz. |
[.]eu vai mo maistre certa ni ia una noit no·m aura que no·m vuoill'aver l'endema, qu'eu soi ben des mestier sobra tan enseinaz que ben sai gazaignar mon pa en totz mercatz. |
| VII | |
| [.]As nom auzez tant ufaner. Queu non fos reuzaz lau trier. Queu iogaua aioc gro sier. Quem fo trop bos al cap primer. Tro fo taulatz. Can megar diei non ac me stier. Sim fo caminatz. |
[.]as no·m auzez tant ufaner qu'eu non fos reuzaz l'autrier, qu'eu iogava a ioc grossier, que·m fo trop bos al cap primer, tro fo taulatz; can me gardiei non ac mestier si·m fo caminatz. |
| VIII | |
| [.]As ellam dis un reproser. Don uestre dat son menu der. Ezeu reuit uos adobli er. Fis meu quim daua mo(n)s pesler. Non er laissatz. Ele uei un pauc lo tauler. Ab ai ns los bratz. |
[.]as ella·m dis un reproser: "Don, vestre dat son menuder!" "Ez eu revit vos a doblier," fis·m eu. "Qui·m dava Monspesler non er laissatz!" E levei un pauc lo tauler ab ians los bratz. |
| IX | |
| [.]Cant aic leualis lotauler. En peins los datz. Cil duifo ron cairat ualer. El ters plom batz. |
[.] cant aic leva lis lo tauler +1 en peins los datz; cil dui foron cairat valer e·l ters plombatz. |
| X | |
| [.] Feri ferm sus el tauler. E fon iogatz. |
[.] feri ferm sus el tauler e fon iogatz. |