Edizione diplomatico-interpretativa

Versione stampabilePDF version
Roembaut deurenga Roembaut d'Eurenga
I I
Ar ses pan la flors enuersa
     Pels trençanz rancs e pels tertres
     Cals flors gels neus e conglapis
     Qe cons e destreing e trenca
     Don uei morz quils critz brais siscles
     Els fu eilz els rams et els giscles
     Masmi ten uert e iauzens iois
     Er can uei secs los dolenz crois     .
Ar s’espan la flors enversa
pels trençanz rancs e pels tertres.
Cals flors ? Gels, neus e conglapis
qe cons e destreing e trenca,
don vei morz quils, critz, brais, siscles,
els fueilz els rams et els giscles -
mas mi ten vert e iauzens iois 
er, can vei secs los dolenz crois.
II II
Car en aisi mo enuerse
      Qe plan mi semblon li tertre
      E tenc per flor lo conglapis
      E l caut mes uis qel freg trenque
      E il tron mi sont chant esiecle
      E m paron fuillat li giscle
      Si son pres e lassatz en ioi
      Que ren non uei quem sia croi.
Car enaisi m’o enverse,
qe plan mi semblon li tertre
e tenc per flor lo conglapis,
e.l caut m’es vis qe.l freg trenque,
e il tron mi sont chant e siecle,
e.m paron fuillat li giscle :
si son pres e lassatz en ioi
que ren non vei que.m sia croi.
III III
Mas una ien faden uersa
      Con seran noiritz en tertres
      Qem fan trop pietz qe conglapis
      Cus quecs ab sa lenga trenca
      E par lon bas et ab siscles
      E noi ual bastons ne giscles
      Ni menassas anz lor es iois
      Can fan ço per com los clam crois
Mas una ien fad’, enversa
con s’eran noiritz en tertres,
qe.m fan trop pietz qe conglapis,
c’us quecs ab sa lenga trenca,
e par l’on bas et ab siscles,
e no i val bastons ne giscles
ni menassas, anz lor es iois,
can fan ço per c’om los clam crois.
IV IV
Car en baiçan nous en uerse
      No mo tollon ual ni Tertre
      Domna ni iel conglapi
      Mas mon poder par qem trenca
      Domna per cui chanta e siscle
      Uostre bel oil mi son giscle
      Qem Castion sil cor ab ioi
      Qe non aus auer talan croi  .
Car en baiçan no.us en verse
no mo tollon val ni tertre,
domna, ni iel conglapi,
mas mon poder par qe.m trenca :
domna per cui chanta e siscle,
vostre bel oil mi son giscle
qe.m castion si.l cor ab ioi
qe non aus aver talan croi!
V V
Anatai con causen uersa
      Lonc Temps certan uals e tertres
      Marritz con om qui con glaipis
      Toca e massella Trenca
      Canc non conques chanz ni siscles
      Plus qe fels clers conquers glisclis
      Mas ar dieu Laumal ben ga iois
      Mal grat dels fals Lausengers crois.
Anat ai con caus’enversa
lonc temps certan vals e tertres,
marritz con om qui conglaipis
toca e massella trenca,
c’anc non conques chanz ni siscles
plus qe fels clers conquers glisclis -
mas ar, Dieu lau !, mal ben ga iois
mal grat dels fals lausengers crois.
VI VI
Mon uers an caissi len uersi
       Que nol tengon uals ni tertres
       La on hom non sent conglaipis
       Ni a freig poders qui trenque
       Ami dons Lonçat el siscle
       Clar quel cor li intron gliscles
       Si a qui gent lui chant ab iois
       Que nos tain a chant adors crois.
Mon vers an, c’aissi l’en versi
que nol tengon vals ni tertres,
la on hom non sent conglaipis,
ni a freig poders qui trenque.
A mi dons loncat e.l siscle
clar, que.l col li intron gliscles
si a gent lui chant ab iois,
que nos tain a chantadors crois.