| I | |
| Pour conforter ma pesa(n) ce. faz un son. bons ert se il men auance; car iason. cil q(ui) conq(ui)st le taisson. not pas si grief penitance. e.e.e. |
Pour conforter ma pesance faz un son. Bons ert, se il m’en avance, car Jason, cil qui conquist le taisson, n’ot pas si grief penitance. É! é! é! |
| II | |
| Ie meismes a moi tence; car reson. me dit que ie faz enfance; quant prison. tieng ou ne uaut raencon. si ai mes tier daleiance .e.e.e. |
Je meïsmes a moi tence, car reson me dit que je faz enfance, quant prison tieng ou ne vaut raençon; si ai mestier d’alejance. É! é! é! |
| III | |
| Mada me a tel conoissance et telre non; que gi ai mis ma fian ce iusquenson. melz aim q(ue) dautre amour don. un re gart quant le me lance .e. e.e. |
Ma dame a tel conoissance; et tel renon que g’i ai mis ma fiance jusqu’en son. Melz aim que d’autre amour don un regart, quant le me lance É! é! é! |
| IV | |
| Melz aim de li la coin tance et le douz non; que le roiaume de france mort ma hom. qui damer qiert ache son. pour esmai ne pour dou tance .e.e.e. |
Melz aim de li la cointance et le douz non que le roiaume de France. Mort Mahom! Qui d’amer qiert acheson pour esmai ne pour doutance! É! é! é! |
| V | |
| Bien ai en moi remenbrance aconpaig non. touz iorz remir sa sen blance et sa facon. aiez am(or)s guerredon. ne sosfroiz ma mescheance .e.e.e. |
Bien ai en moi remenbrance, a conpaignon; touz jorz remir sa senblance et sa façon. Aiez, Amors, guerredon! Ne sosfroiz ma mescheance É! é! é! |
| VI | |
| Dame iai entencion que uous au(ro)iz conoissance. e.e.e. |
Dame, j’ai entencion que vous avroiz conoissance É! é! é! |