Edizione diplomatico-interpretativa

Versione stampabilePDF version
  I

                        Amors me fet

 

                       conmencier v

 

ne chancon nouuele. quele me

 

ueut enseignier: a amer la pl(us)

 

bele. qui soit el mont viuant.

 

cest la bele au cors gent cest ce

 

le dont ie chant dex men dont

 

tel nouuele. qui soit amon ta

 

ent que menu et souuent:

 

mes cuers por li sautele.

Amors me fet conmencier

une chançon nouvele,

qu’ele me veut enseignier

a amer la plus bele

qui soit el mont vivant:

c’est la bele au cors gent,

c’est cele dont je chant.

Dex m’en dont tel nouvele

qui soit a mon talent!

que menu et souvent

mes cuers por li sautele.

  II

Bien

me porroit auancier ma dou

ce dame bele. sele me uouloit

aidier a ceste chanconnele.

ie naim nule riens tant. co(n)

me li seulement et son afe

tement. qui mon cuer renou

uele. amours me lace et pre(n)t

et fet lie et ioiant pour ce qua

soi mapele. 

Bien me porroit avancier

ma douce dama bele,

s’ele me vouloit aidier

a ceste chançonnele.

Je n’aim nule riens tant

conme li seulement

et son afetement,

qui mon cuer renouvele.

Amours me lace et prent

et fet lié et joiant,

pour ce qu’a soi m’apele.

  III

Quant fine amor

me semont: mult me plest et

agree que cest la riens en cest

mont que iai plus desirree

or la mestuet seruir. ne men

puis plus tenir. et du tout o

beir plus qua riens qui soit

nee sele me fet languir et

uois iusqau morir mame en se

ra sauuee 

Quant fine amor me semont,

mult me plest et agree,

que c’est la riens en cest mont

que j’ai plus desirre.

Or la m’estuet servir

- ne m’en puis plus tenir -

et du tout obeir

plus qu’a riens qui soit nee.

S’ele me fet languir

et vois jusq’au morir,

m’ame en sera sauvee.

  IV

Se la miudre de

cest mont ne ma samor donee

[.]uit li amoreus diront: ci a

fort destinee. sa ce puis ia ue

nir que ie sanz repentir ma

ioie et mon plesir de li quai ta(n)t

amee. lors diront sanz me(n)tir.

quaurai tout mon desir. et ma

queste acheuee.

Se la miudre de cest mont

ne m’a s’amor donee,

[t]uit li amoreus diront

ci a fort destinee.

S’a ce puis ja venir

que je, sanz repentir,

ma joie et mon plesir

de li, qu’ai tant amee,

lors diront, sanz mentir,

qu’avrai tout mon desir

et ma queste achevee.

  V

Cele pour

qui souspir la blonde. coloree

puet bien dire et iehir. que

pour li sanz mentir: sest a

mours mult hastee.

Cele pour qui souspir,

la blonde coloree,

puet bien dire et jehir

que pour li, sanz mentir,

s’est Amours mult hastee.