Edizione diplomatico-interpretativa

Versione stampabilePDF version
reambautz daurenge. Reambautz d’Aurenge
  I
Pos trobars plans. es uolguz tan. fort mer gren si no(n) son

sobrans. car ben pareis. qit al mot fai canc mais non foron. dig

cantan. qe cels com tot iorn ditz e brai sapcha sis uol

autraug dir.
Pos trobars plan
es volguz tan
fort m’er gren s’i non son sobrans:
car ben pareis qi tal mot fai
c’anc mais non foron dig cantan,
qe cels com tot iorn ditz e brai
sapcha, si‧s vuol, autraug dir.
 
  II
Mos ditz es sanz don gap. ser dan p(er) tal. ioi soi condes enans. qe

mais ual neis. desirs qieu nai duna qe anc nom acsemblan.

peis sainz com qer enuerze lai. dautre ioi com puesca

lauzir
Mos ditz es sanz
don gap, s’er dan.
Per tal ioi soi condesenans
qe mais val neis
desirs q’ieu n’ai
d’una qe anc no‧m ac semblan
(peis sainz c’om qer en Verzelai)
d’autre ioi c’om puesca lauzir!
 
  III
Son ben aurans. car p(er) talan. solam(en) so francs ez humans.                                 

de dir ues leis ben nim fas gai qem ual si p(er) lieis trag mal

gran. si lo mal qen trac no sap lai. mi eis voil daitan escar
Son ben aurans!
C’ar per talan
solamen, so francs e humans
de dir ves leis
ben, ni‧m fas gai.
Qe‧m val si per lieis trag mal gran?
Si lo mal q’en trac no sap lai
Mi eis voil d’aitan escar.
 
  IV
Ben so trafans. qeu eis mengan. car dic aiso tan qe uilans.

cals pros me creis. si eu mal trai. p(er) leis sil no sapia lafan.

no mes doncs p(er)s e be no(m) uai sim pens qe tan ric ioi desir.
Ben so trafans
q’eu eis m’engan,
car dic aiso tan qe vilans!
C’als pros me creis
s’ieu mal trai
per leis, si‧l no sapia l’afan?
No m’es doncs pers e be no‧m vai
si‧m pens qe tan ric ioi desir?
 
  V
Mos uolers cans. qem sal denan. me fai creire. qe futz es

pans. tau aut mespeis. mon cor car sai. qe en fol maurei don

faz lofan. tot uolt camuei. respeit segrat respeitz lonc fai

o men perir.		 Mos volers cans
qe‧m sal denan
me fai creire qe futz es pans.
Tau aut mespeis
mon cor, car sai
q’enfol. M’aurei don faz lo fan
tot volt cam vei respeit segrat.
Respeitz lonc fai omen perir.
 
  VI
Sains uilans con uauc torban soi serrazis o crestians. qals es

maleis non sai qe iai. me posca de so qil deman. ez atrestan

tost dieus sil plai. co fes uin daiga es deuenir.
Sains vilans
con vauc torban!
Soi serrazis o crestians?
Q’als es ma leis?
Non s’ai qe iai
me posca, de so qi‧l deman
ez atrestan tost, Dieus, si‧l plai
co fes vin daiga es de venir.
 
  VII
Pauc soi certans ues qeus reblan do(m)na de vous so molt lon

dans anc no(m) destreis amors tan mai p(er) qieu non creiria du(n)

an caissius ames p(er) negun plai si bes nomen degues auen		 Pauc soi certans,
(ves qe‧us reblan,
Domna.) De vous so molt londans!
An no‧m destreis
Amor tan m’ai;
per q’ieu non creiria d’un an
c’aissi‧us ames per negun plai,
 si bes no m’en dues aven.
 
  VIII
Astrius e ma chanso uos man qe dos sautz sis rics. ar es sai

lo ters aut on plus pot om dir.		 Astrius e ma chanso vos man,
qe dos sautz sis rics ar essai;
lo ters aut on plus pot om dir.
  • letto 232 volte