| Arnautz daniels | Arnautz Daniels |
| I | |
| Laura mara. fals brueills brancutz. clairir. Qel douses peissab fueilz. Eels letz becx de ls aucels rame(n)cs. Ten balbs emutz pars e non pars p(er) quieu mefforz. De far edir plazers amainz p(er)ar lei Que ma uirat bas daut. Don tem morrir sils affanz noma soma. |
L'aur'amara fa∙ls brueills brancutz clairir qe∙l dous'espeiss'ab fueilz el∙s letz becx dels aucels ramencs ten balbs e mutz pars e non pars per qu'ieu m'efforz de far e dir plazers a mainz perar lei que m'a virat bas d'aut don tem morrir si∙ls affanz no∙m'asoma. |
| II | |
| Tan fon clara ma prima lutz. Deslir lei doncx crel cors los oills. No(n) pretz Necs mans doz ai gonencs Dautra ses dutz rars. Mos preiars p(er)o deportz. Mes adauzir Uolers. Bos motz segrei. Dellei don tant mazaut. Cal sieu s(er)uir soi del pe trola coma. |
Tan fon clara ma prima lutz d'eslir lei doncx cre∙l cors los oills non pretz necs mans doz aigonencs d'autra s'es dutz rars mos preiars pero deportz m'es ad auzir Volers bos motz se grei de∙llei don tant m'azaut c'al sieu servir soi del pe tro la coma. |
| III | |
| Si man para. Cil qem tralutz. Dauzir si qes de pretz capduoillz. Dels q(ue)tz precs. Cai de dinz arencs. Ler fors rendutz clars mos pensam(en)z. Quieu fora mortz. Mas fam sofrir les pres. Qeill prec quem brei. Caisiom ten let ebaut. Qe dals ausir. No(n) ual iois una poma. |
Si m'anpara cil qe∙m tralutz d'auzir si qe∙s de pretz capduoillz dels quetz precs c'ai dedinz a rencs l'er fors rendutz clars mos pensamenz qu'ieu fora mortz mas fa∙m sofrir l'espres qe∙ill prec que∙m brei c'aisiom ten let e baut qe d'als ausir non val iois una poma. |
| IV | |
| Dousa cara. Abtotz aibz uolgutz Sofrir mer per uos mains orgoills. Car etz decs de totz mos defens. Don ai mains brutz pars egabars. De uos nom tortz. Nim fai partir auers. Cans no(n) amei ren tant abmens dufaut ans uos de sir. Plus qe dieus sil de doma. |
Dousa cara ab totz aibz volgutz sofrir m'er per vos mains orgoills car etz decs de totz mos defens don ai mains brutz pars e gabars de vos no∙m tortz ni∙m fai partir avers c'ans non amei ren tant ab mens d'ufaut ans vos desir plus qe Dieus sil de Doma. |
| V | |
| Amors gara. Soi ben uencutz chausir Tem far sim desacuoills tals detz precz Que tes miels q(ue)t trencs. Queu soi fis drutz. Cars e non auars. Mal cors ferms fortz. Men fai sofr ir. Mans uers cab tot lonei. Magrobs un bais al caut. Cor refrezir. Que noi ual autra goma. |
Amors gara soi ben vencutz ch'ausir tem far si∙m desacuoills tals d'etz precz que t'es miels que∙t trencs qu'eu soi fis drutz cars e non avars mal cors ferms fortz men fai sofrir mans vers c'ab tot lo nei m'agr'obs un bais al caut cor refrezir que no∙i val autra goma. |
| VI | |
| Arat para. çans econdutz formir al rei q(ue) ter escuoillz. Car pretz secs chai laiones doble(n)cs emantengutz. Dars Emaniars de ioilat porz son anel mir sis ders Qanc no(n) estei Jornda ragon quel saut. Noi uolgues ir Massai man clamar roma. |
Ara∙t para çans e condutz formir al rei que t'er escuoillz car pretz secs chai lai on es doblencs e mantengutz dars e maniars de ioi la∙t porz son anel mir si∙s ders q'anc non estei Jorn d'Aragon qu'el saut no∙i volgues ir mas sai m'an clamar roma. |
| VII | |
| Fatz es la crotz. Qel cor remir totz sers Lei cui dompnei ses parsonier arnaut. Qe nautrar bir. No(n) esfort mententa soma. |
Fatz es la crotz q'el cor remir totz sers lei cui dompnei ses parsonier Arnaut q'en autr'arbir non es fort m'entent'a soma. |