Edizione diplomatico-interpretativa

Versione stampabilePDF version
  I
Qvant li estez et la douce
saisons. font foille et
flour et les pres rauerdir. et li douz
chanz des menus oiseillons. fait
as plusours de ioie souuenir. las
chascuns chante et ie plour. et
souspir. et si nest pas droiture ne
raisons. ainz est ades toute men -
tentions; dame de vous honourer
et seruir.
 
Quant li estez et la douce saisons 
font foille et flour et les prés raverdir
et li douz chanz des menus oiseillons
fait as plusours de joïe souvenir,
las!, chascuns chante et je plour et souspir 
et si n'est pas droiture ne raisons,
ainz est adés toute m'ententïons,
dame, de vous honourer et servir.
 
  II
Se iauoie le sens quot salemons; si
me feroit amours pour fol tenir. quar
tant est fors et crueuz sa prisons. que -
le me fait assaier et sentir. mout mes -
merueill quele est li ochoisons; quele
me fait si longuement languir.
 
Se j'avoie le sens qu'ot Salemons,
si me feroit amours pour fol tenir, 
quar tant est fors et crüeuz sa prisons
qu'ele me fait assaier et sentir.
Mout m'esmerveill, quele est li ochoisons
qu'ele me fait si longuement languir?
 
  III
Ie sai mout bien quele croit les fe -
lons. les losengiers que diex puist maleir.
toute lor painne ont mise en moi trahir.
maiz ne lor vaut lor morteuz trahisons.
quant il sauront queus iert li guerre -
dons; dame de vous. cui ainc ne seu
mentir.
 
Je sai mout bien qu'ele croit les felons, 
les losengiers que Diex puist malëir
toute lor painne ont mise en moi trahir,
maiz ne lor vaut lor morteuz trahisons
quant il savront queus iert li guerredons,
dame, de vous cui ainc ne seu mentir.            
 
  IV
Ainc ne la seu losengier ne flater. ne
ia diex sens ne men doint ne talent.
maiz ma dame seruir et honourer. et
faire ades a son conmandement. et sa -
chiez bien se biauz seruírs ne ment. ou
li miens cuers qui bien me puet greuer;
que touz les biens (con)puet auoir damer;
aura mes cuers qui ades si atent.
Ainc ne la seu losengier ne flater,
ne ja Diex sens ne m'en doint ne talent!,
maiz ma dame servir et honourer
et faire adés à son conmandement
et sachiez bien, se biauz servirs ne ment 
ou li miens cuers qui bien me puet grever,
que touz les biens c'on puet avoir d'amer
avra mes cuers qui adés si atent.
 
  V
Se vous daigníez ma proiere escouter;
douce dame ie vous proi et demant. que
 
Se vous daigniez ma proiere escouter,
douce dame, je vous proi et demant 
que