Edizione diplomatico-interpretativa

Versione stampabilePDF version
  I
Ire damors qui en mo(n) cuer 
repere. ne mi let tant que de 
chanter me tiengne. grant m(er)-
ueille ert se gen puis chanco(n) 
traire. car ie ni uoi lachaiso(n) 
dont el uiengne. car li desirs 
et la grant uolentez. dont ie 
sui si pensis et esgarez. ma si 
mene ce uous puis ie bien dire. 
quapaines sai conoist(re) ioie dire. 
Ire d’amors qui en mon cuer repere
Ne mi let tant que de chanter me tiengne.
Grant merveille ert se g’en puis chançon traire,
Car je n’i voi l’achaison dont el viengne;
Car li desirs et la grant volentez,
Dont je sui si pensis et esgarez,
M’a si mené, ce vous puis je bien dire,
Qu’a paines sai conoistre joie d’ire. 
 
  II
Et ne porquant touz li cuers 
men esclaire. dun bon espoir 
dex doint que il auiengne. m(o)lt 
par deuroit amadame desplai
re. se ceste amor mocit bien le(n) 
couuiengne. mors ma ses cors 
li genz li acesmez. et son douz 
uis freschement colorez. et sa 
biautez dont il nest riens adi-
re. dex pour que not tant a
moi desconfire. 
Et ne porquant, touz li cuers m’en esclaire
D’un bon espoir, Dex doint que il aviengne!
Molt par devroit a ma dame desplaire
Se ceste amor m’ocit; bien l’en couviengne!
Mors m’a ses cors, li genz, li acesmez,
Et son douz vis freschement colorez,
Et sa biautez dont il n’est riens a dire;
Dex, pour qu’en ot tant a moi desconfire?
  III
Irer me fo(n)t
cele gent de male aire. plus
que nus max que por amors
soustiengne. riens ne lor uaut 
ia ne porront desfere. quamors
ne mait et quaucuer ne me 
tiengne. si faitement me sui 
a li donez. que ia sanz mort ne(n)
cuit estre tornez. puis qons se
puet uers amors escondire.
nel doit len pas a fins amis es-
lire. 
Irer me font cele gent de male aire
Plus que nus max que por amors soustiengne;
Riens ne lor vaut: ja ne porront desfere
Qu’amors ne m’ait et qu’au cuer ne me tiengne;
Si faitement me sui a li donez
Que ja sanz mort n’en cuit estre tornez.
Puis q’ons se puet vers amors escondire
Nel doit l’en pas a fins amis eslire?
  IV
Loiax desirs dont iai
plus de cent paire. mocirront
uoir ainz quen la ioie uiengne.
qui touz iorz mest promise por
atraire. mes ie ne cuit qua
madame en souuiengne. qui
dex dona ualeur et trop biau-
tez. mes contre moi si est or
guels mellez. si nai pouoir de
tel tort contredire. puis que
mes cuers me ueut por li ocirre.
Loiax desirs, dont j’ai plus de cent paire,
M’ocirront voir, ainz qu’en la joie viengne
Qui touz jorz m’est promise por atraire:
Mes je ne cuit qu’a ma dame en souviengne,
Qui Dex dona valeur et trop biautez;
Mes contre moi si est orguels mellez
Si n’ai pouoir de tel tort contredire,
Puis que mes cuers me veut por li ocirre.
  V
Tres grant amor me fet folie 
fere. si ai poor que longues 
la maintiengne. mes ie ne 
puis mon corage retrere. en-
si me plest conment qil men 
auiengne. par tel reson sui 
poures asazez. quant ie plus 
uueil ce dont plus sui greuez
et en lesmai mestuet ioer et 
rire. onc mes ne ui si deceua(n)t 
martire. 
Tres grant amor me fet folie fere,
Si ai poor que longues la maintiengne;
Mes je ne puis mon corage retrere,
Ensi me plest, conment q’il m’en aviengne.
Par tel reson sui povres asazez
Quant je plus vueil ce dont plus sui grevez.
Et en l’esmai m’estuet joer et rire;
Onc mes ne vi si decevant martire.