Edizione diplomatica

Versione stampabilePDF version
  Raembautz daurenga. siruentes.
  P        Eire rotgier atrassaillir. Mer
            p(er) uos los digz els couenz. q(u)a
            aic amidonz totz dolens. de
  chantar qiem cuidiei soffrir. Epois
  sai etz ami uengutz. Cantarai sinai
  estar mutz. Qieu non uuoill rema
  ner confes.
  M out uos dei lauzar egrazir. car anc
    uos uenc cors ni talens. desaber mos
    chaptenemens. Euuoill qe(m) sapchatz
    alqes dir. Eia lauers nom sia escutz.
    Sieu sui auols ni recresutz. Q(ue) pel uer
    non passetz ades.

  C ar qui p(er) auer uol mentir. Aq(ue)l lau -
    zars es blasmamens. Etortz emals
    enseignamens. Efa nals autres escar -
    nir. Qen dich non es bos pretz saubutz.
    Mas el faich es puois conogutz. epelz
    faitz uenoil dich apres.

 
  P er me uoletz mon nom auzir. Cals
    son o drutz er clau las dens. Cades poia
    mos pessamens. On plus deprion mo
    conssir. Ben uuoill sapchatz que non
    sui drutz. tot p(er) so car non sui uolgutz.
    Mas ben am sol midonz mames.
  P eire rotgier cum puosc sofrir. Qez
    eu am aissi solamens. Merauill me
    si uiu deuens. tortz er sim fai midonz
    morir. Sieu muor p(er) liei farai uertutz.
    P(er) que eu cre si fos p(er)dutz. dreitz fora q(ue)
    puois mi nogues.
  E rail uen encor que mazir. Masia fo
    qerautres sos sens. Caitals es sos en
    tendemens. P(er) qieu li dei totztemps s(er) -
    uir. pel ben qem nes escazegutz. Ja no
    men uengues mais salutz. Li dei totz -
    temps estar als pes
  S im uolgues sol tant cossentir. qieu
    fos totztemps sos entendens. Ab bels
    digz nestera gauzens. Efeiram sos
    faitz esgauzir. E degram ben esser cre
    gutz. Mais delbon respieich don uis
    ques.
  B on respieich daut sui bas cazutz. esi
    nom ereb sa uertutz. p(er) conseil li don
    qem pendes.