 |
Arnautz daniels.
Lo ferm uoler qel cor mintra. nom
pot mais becs ies escondre. ni ongla.
De lausengier qui pert p(er)mal dir sar
ma. Ecar nols aus batr am ram ni ab
uerga. Siuals afrau lai on non aurai
oncle. Jauzirai ioi enuergier o dinz
cambra.
|
 |
Qan mi souen dela cambra. On a mon
dan sai que nuills hom non intra. Anz
me son tuich plus que fraire ni oncle.
non ai membre nom fremisca ni ongla.
Aissi cum fai lenfas denant la uerga.
tal paor ai qeil sia trop delarma.
|
 |
Delcors lifos non delarma. Mas cossentis
ma celat dinz sa cambra. Que plus mi
nafral cor que colps deuerga. Car lo si
eus sers lai on ill es non intra. totzte(m)ps
serai ab lieis cum carns (et) ongla. enon
creirai chastic damic ni doncle.
|
 |
Anc laseror demon oncle. non amei ta(n)t
ni plus p(er) aqest arma. Caitant uezis cu(m)
es lo detz delongla. Salieis plagues uol
gresser desa chambra. Demi pot far lamors
qinz elcor mintra. Mieills ason uol com
fortz de freuol uerga.
|
 |
Pois flori la seca uerga. ni donadam mo
gron nebot ni oncle. tant fina amors
cum cella qel cor mintra. non cuig qanc
fos encors ni es en arma. Cal estet fors
enplaza odinz chambra. Mos cors nois
part delieis tant cu(m) ten longla.
|
 |
Caissi senpren esenongla. Mos cors el
sieu cum lescorssa enla uerga. Qill mes
de ioi tors epalaitz echambra. enonam
tant fraire paren ni oncle. Quen para
dis naura doble ioi marma. Si ia nuills
hom p(er)ben amar pert sarma.
|
 |
Arnautz tramet sa chansson doncle e
dongla. Agrat delieis que de sa uerga
larma. Son desirar cui pretz en cham
bra intra.
|