  Ausi com lunicorne suis ke sesbahist en resgardant pieres de gans q(ua)nt la pucelle uait mirant. tant est de son anuit. pasmee chiet en son giron. lors locist on en traixon. (et) moi ont mort dautel semblant. amors (et) ma dame por uoir. mon cuer ont nen puis poent auoir. |
 Douce dame q(ua)nt ie uos ui. (et) uos conu premiereme(n)t. li cuers malait si tresaillant can uos remeist q(ua)nt ie men mux. lors fui meneis sens reanson. en la douce chairtre en prixon. dont li pileir sont de talent. (et) li ux sont de bial ueoir. (et) li amaul de boen espoir. |
 De la chairtre ont les cleis amors. (et) si iont mis .iij. portiers. biaul semblant ait nom li premiers. (et) de bonteit ont fait signor. dongier ont mis aluix dauant .i. ort uilain ser (et) puant. ke tant est fel posteis. li duj en sont prou (et) hardi. (et) si ont tost .i. amant pris. |
 Qui poroit sosfrir les essaulz. (et) les tormens des .iij. portiers. onkes rollans ne olliuiers ne uanquirent si grant estor. il uancoient en combatant. amors uoint en humi liant. des .iij. ont fait confenoiers. sil est ensi com ie uos di. niat pitie fors ke merci. |
 Douce dame ne dout tant rien. ke ie ne faille a uos amer. tant ai apris (et) endureit. ke ie suis toz u(ost)res p(ar) us. (et) se uos en pesoit or bien. ne men puis ie p(ar)tir por rien. ke ie naie le remenbreir. (et) q(ue) mes cuers ne soit ades. dedans la chairtre (et) de uos pres. |