 |
| Li rois de Nauare. Die(us) est ensi come li pelicans. qui fait son nit ou plus haut arbre sus. (et) mauuais oiseaus qui uient de ius. ses oisellons ocist tant est puans. li peres uient destrois (et) angosseus. doubec socist de sanc dolere(us). uiure refait tantost ses oisellons. die(us) fist autel q(ua)nt uint sa passions. de son douc sanc rakata ses enfans dou deauble qui trop estoit poissans. |
 |
| Li guerre en est mauuais (et) lenz. ke b(ie)n (et) proit (et) pitie na mais nus. ains est orge(us) (et) baras audesus. felonie traisons (et)beubans molt par est ore nostre estas perilleus. (et) senefust li essamples de ceus qui tant aiment (et) noises (et) tencons. ce est des clers qui ont laisiet dermons. pourguerroier (et) pour tuer les gens iamais en dieu ne fist nus ho(n)s creans. |
  |
| Nostres chies fait tous les menbres doloir. pour cest b(ie)n drois ka dieu nous emplaignons. (et) grant copesra molt so les baro(n)s cui il poise quant aucuns ueut ualoir. (et) entre gent enfont molt abla mer. qui tant seuent (et) mentir (et) giller. le mal enfont deseure aus re uenir. (et) qui male quiert maus ne li doit falir. qui petit mal pourchasse ason pooir. li grans ne doit en son cuer remanoir. |
 |
| Bien deurions ens lestore ueoir. de la bataille qui fu des.ij. dragons. si com on troue en liure des bretons. dont il coui(n)t les chasteaus ius chaoir. cest cist siecles cui il couient uerser. se die(us) nefait la bataille finer. le sens merlin encouie(n)t hors issir. pour deuiner questoit aauenir. mais andecris uient cepoes uos sauoir. as macues kanemis fait mouoir. |
 |
| Saues ki s(on)t li vil oisell pug nais. qui tuent dieu (et) ses enfancones. li papelart dont li nons nest pas nes. cil s(on)t bien ort (et) puant (et) mauuais. il ochient toute la simple gent par lour faus mos qui s(on)t li dieu enfant. papelart font le siecle chanceler oar s(aint) piere mal les fait encontrer. il ont tolou ioie (et) solas (et) pais. cil por teront en infer les grans fais. |
 |
| Or nous doint die(us) lui seruir (et) amer (et) la dame con ni doit oublier. (et) nous uoille garder a tous iorsmais. des maus oiseaus qui ont uenins es bes. |