[c. 16ra]
 |
Lautrier. par la matinee en tre .i. bois (et) .i. uergier. une pas toure ai trouuee. chantant p(or) soi en uoisier. (et) disoit el son p(re) mier. ci me tient li maux damors tantost. cele part. me tour. que ie loi desresnier. si li dis sanz de |
[c. 16rb]
 |
laier. bele diex uous doint bo(n) Mon salu sanz demo rer. me rendi (et) sanz tar iour. gier. mout ert simple (et) coulouree. si mi plot a acoin tier. bele uostre amour uous q(ui)er saurez de moi riche atour. ele respont tricheour. sont mes trop li ch(eualie)r. miex aing perrin mo(n) bergier. que riche honme mente our. Bele ce ne dites mie. ch(eualie)r sont. trop uaillant. qui set dont a. uoir amie. ne seruir a son tala(n)t fors cheualier (et) tel gent. mes lamour dun bergeron. certes ne uaut .i. bouton. partez u(ous) en aitant (et) mamez ie uous cre ant de moi aurez riche don. |
 |
Sire par sainte marie uous en pallez pour noiant. mai(n)te dame auront trichiee cil ch(eualie)r soudoiant trop sont faux (et) mal pensant. pis ualent que guene lon. ie men reuois en meson. car perrines qui mi atent maime de cuer loiaument abessiez uostre reson. Ientendi b(ie)n la bergiere q(ue)le me ueut eschaper. mout li fiz. longue priere. mes ni poi rie(n)z (con)quester. lors la priz aacoler. (et) ele iete .i. haut cri perrinet trai |
[c. 16va]
 |
trai. du bois prennent ahuer. ie la lez sanz demourer. seur mon cheual men parti. q(ua)nt ele men uit aler. ele dist par ramponer. ch(eualie)r sont trop hardiz. |