Edizione diplomatica

Versione stampabilePDF version
 Q uant laura doussa
 samarzis. el fuelha chai
 de sul uerjan. el auzelh
 chanton lor latis. (et) ieu
 de sai sospir e chan. damor que(m)
 te lassat e pres. (et) en car non laic
 em poder. 
 L as q(u)eu damor nonai conq(ui)s.
 mas las trebalhas el afan. ni ren
 tan greu non couertis. cum so
 quom plus uai deziran. ni tal
 enueya no fai res. cum aq(uo) q(uo)m
 no pot auer. 
 P ero dun ioy men esiauzis. du
 na quanc res non amiey tan.
 quan suy ab lieys sim esbahis.
 quieu no sai dire mon talan. e
 quan men uauc ueiare mes.
 que tot perdal sen el saber. 
 T ota la genser quanc hom uis.
 en contra lieys no pretz un guan.
 quar tot lo segles brunezis. lay
 on ylh es aissi resplan. dieus mi
 respieyt tro quieu lagues. o q(ue)eu
 la ueianar iazer. 
 N i muer ni uiu ni no guaris.
 ne mal no sent e si lai gran. quar
 de samor no suy deuis. ni no siey
 quen aurai o quan. quen lieys es
 tota la merces. quem pot soizir
 o dechazer. 
 T otz trassalh e brant e fremis.
 per samor durmen ouelhan. tal
 paor ai que nom falhis. no say
 pessar cum la deman. mas seruir
 lai dos ans o tres. e pueys ben leu
 sabrai lo uer. 
 S ilha nom uol uolgra moris.
 lo dia quem pres acoman. ai dieu(s)
 quan suauet maucis. quan de sa
 mor me fetz semblan. q(a)r mort
 ma e no sai per ques. quieu mas
 una non uuelh auer. 
 P er lieys serai totz fals o fis. o
 uertadiers o ples denjan. o totz
 uilas o totz cortes. o trebalhier(s)
 ab plan deman. sercamons ditz
 greu er cortes. hom qui damor
 se desesper. 
 L as cuy que plasso cuy que pes.
 elham pot sis uol retener.