 |
| Sercamons. Ab lo pascor. mes bel qeu chant en estiu alen\t/ran de mai car par la flors. sobrels uerchant. e son reuerdezit li glai. mout mi ual pauc lo temps cortes. qeu non ai ioi ni non la des ni de sa ]comp(a)gn[ compagnia non lau. |
 |
| Per qe damor an atretan. li maluas enoios sauai. con li meillor el plus prezan. iouenz e faig fraing e dechai. e maluestatz a son luec p(re)s en amistatz. camics non es amatz ni damig\u/a nos iau. |
 |
| Ben sai qe lor es mal estan als molleiratz. car se fan gai dom neiador. ni drude]r[\i/an. el guizardos qe lor neschai ditz el repro cher lo paies. qi glazi fai aglazi es feritz deis lo seu colp mortau. |
 |
| Fals amador al meu semblan. uostrer lo danz e non pueis mai. de gran folor. es acordan. can lus lautre. galietrai. e pos uos aues enqes drut mo\i/lleirat marit tug tres. sias del pechat comunau. |
 |
| El fuec maior seretz arden. al iuzizi del derrer plai. engana dor fel desleiau. en la pena qe no trasuai. on sera totz. lo mals el bes. iuziatz e nom clam merces donna caia drut des leiau. |
 |
| Non a ualor daissi enan. cela cabdos ni ab tres iai. (et) ai \n/enqer lo cor tristan. qe dieus tan falsa non fetz sai. miels li fora ia no(n) nas qes. enanz qe failliment fes. don er parlat tro en peitau. |
 |
| Saint saluaire fai malber gan. lai el regne on mi donz estai. ab la genzer. si qen baizan. si en nostre couen uerai. e qem do zo qe ma promes. pueis al iorn sen ira conq(e)s si be les mal. al gelos brau. |
 |
| Amics dignas lim can laues. si passal terme qauem pres. qieu soi motz p(er) sain nicolau. |