Tu sei qui

Edizione diplomatica

Schede primarie

Jaufre rudels de blaia.                   XVII.
Q uant lo rossignols el fuoillos. Domna
      damor enquer enpren. Emou so(n) chant
      iauzen eioios. Eremira sa parsonen.
   Eil riu son clar eil prat songen. pel nouel
   deport que reingna. Me uen al cor fis iois
   iazer.

D aquest amor son tan cochos. Que quant
   eu uauc ues leis corren. ueiaire mes care-
   usos. Men torn equella man fugen. Emos
   cauals icor tan len. Greu er cui mais iatei(n)-
   gna. Samors no(n) lam fai romaner

De tal domna son cobeitos. Acui no(n) aus dir
   mon talen. Ans quant remire sas faisos.
   Toz lo cors men uai esperden. Et aurai ia ta(n)
   dardimen. Quel aus dir que per sieu me
   teingna. Pois dals no(n) laus merce querre(r).

A i co(m) son sieidit amoros.Esieifaitz so(n) douz
   eplasen. Quanc no(n) nasquet sai entre uos.
   Neguna caia cors tan gen. Grailla es fresc
   eplasen. Enon cre genser sen seigna. Ni n(on)
   ui hom abtan plazer.

      Amors alegrem part de uos. P(er) so car
   uau mo miels queren. Eson daitant au-
   enturos. Qen quier naurai mon cor iauze(n).
   la merce de mon bon guiren. Quem uol
   emapel em deingna. Ema tornat en bon
   esper.