Edizione Diplomatica

Versione stampabilePDF version

[c.2rB]
 

                                    Peire daluerne.             ui.
A   B fina ioia comensa. Lo uers qui bels
      moz asona. E de ren no(n) a faillensa.
Mas nomes bonquela preigna. Tals cui
mos chans no(n) coueingna. Quieu no(n) uo-
ill aols chantaire. Sel que tot chant des-
faisona. Mon dous sonet torn enbram.
D   Amor aic la souinensa. Els bels ditz ren
plus nom dona. Mas per bona atendensa.
Es per cal cus iois me(n) ueingna. El setg-
les uolcom si capteingna. Segon que
pot sempres faire. Cab briu temps plus
asasona. Cap pro da co donac fam.
B   El semblan naic en paruensa. Qui ge(n)
ma cuoill em rasona. Mas del plus no(m) fai
consensa. Ni tai(n)g quieu tan aut mi sein-
gna. Ni tan rig iois men deueingna. On
couen us emperaire. Pro fai car sol gen
mi sona. Ni car sofre queu la am.
M   out fai uas mi gran temensa. Car tan
pauc si abandona. Iois que nai si trop biste(n)-
sa. Mot mostra mal entresrei(n)gna[1]. Si co(m)
li plaira mi teingna. Qui tan nom fai gra(n)
mal traire. Sel soi que no(n) len caisona. Ta(n)
nom ten en greu liam.
S   Is petchat fis penedensa. Et estorz qui
nom perdona. Et ieu fas longuentende(n)sa.
Per tal perdon qe nom deingna. Assatz cug
que mal men preingna. Que perdutz es
desesperaire. Per cai esperansa bona. Per
nostre don mi reclam.
B   enes fis de gran ualensa. Mos cors sa
quest ma barona. Per cui toz prez nais
egensa. Esaup pauc quilam enseingna.
Que ia nuillautram men sostei(n)gna. Tan
bella filla de maire. Ni tan com cel plou
ni trona. No(n) ac tal elling dassam.
A   ls comtes man en proensa. Lo uers esai
anarbona. Lai on pren iois mantenensa.
Segon daquels per cui rei(n)gna. Et ieu t(ro)p
sai quim reteingna. Tal domna don sui
amaire. Non ges ala lei gascona. Sego(n)
las nostras amam.
 
[1] Punto di espunzione sotto la r.