 |
Bernartz deuentedorn. ARa no uei luzir soleill. tant mi son escurzit li rai. e ies p(er) aisso nomesmai. cuna clartatz me soleia. damor qinz el cor me raia. eqand autra gens sesmaia. eu meillur e nans que sordei. p(er) que mos chans no sordeia. Prat mi semblon blanc euermeill. aissi cum el doutz temps de mai. Si(m) ten fin amors coind egai. neus mes flors blanca euermeilla. (et) iuerns calenda maia. Qeil gensser ela plus gaia. Ma promes q(ue) samor mautrei. Sanquer no lam desautreia. Paor mi fant maluatz conseill. per |
 |
qel segles mor e dechai. cara sacosto li sauai. e lus ab lautre cosseilla. cossi fin amors dechaia. ai maluaza ge(n)s sauaia. Qui uos ni uostre cosseil crei. damnedieu p(er)da e descreia. Daqestz me rancur em coreill. car mi fan ira (et) esglai. epesa lor del ioi qieu ai. epuois chascus si coreilla. delautrui ioi ni sesglaia. ia eu meil- lor dreich non aia. cab sol deport ue(n)z eguerrei. cel q(ue) plus fort mi gerreia. Nuoich eiorn plaing cossir eueill. cos- sir e pens epuois mapai. on mieills mestai et eu preitz trai. mas us bons respieitz mesueilla. don mos cossiriers sapaia. fols p(er) que dic mal traia. car aitan ric amor enuei. pro nai de sola lenueia. Ia mado(m)pna nois meraueill. Sil qier qem don samor nim bai. contra la fol- dat qieu retrai. farai granda mera uilla. Sill ia ma colla nim baia. di- eus ser ia qom me retraia. a cal uos ui eqal uos uei. per benananssa qe(m) ueia. Bernartz clama sidonz mercei. Uas cui tant gen si merceia. e sieu em breu no lauei. non cre que longas la ueia. |