Edizione diplomatica

Versione stampabilePDF version
                                                     Raymbaut daure(n)ca            
        Ab nou cor (et) ab nou tale(n). ab nou saber (et) ab nou sen. (et) ab
        nou bel capteneme(n). uuelh un bo nou U(er)s com(en)sar. (et) qi mos
        bos nous motz e(n)te(n). be(n) er pus nous asso uiue(n). com miels se(n)
        deu renouelar. ⸿ Qui en renouelh mo(n) ardim(en). q(ue)l nouel ho(m)z
        uielh pessame(n). y franh nouel ab ferm parue(n). er ca(n)t em al nouel tems
        clar. q(ue)lh nouels fuelh nayso(n) de sen. lo nouelh crit o(n) ioi sempre(n) els
        auzels qintra(n) en amar. ⸿ Doncs amors me fay alegrar. qieu nay pus
        com nos pot pe(n)sar. ta(n) be com yeu am ni comtar. (et) am la ge(n)ser ses
        co(n)te(n). se dieus mam enoy met cuiar. car miels damar lam saup
        triar. amors ca(n)t nos aiustet gent.
 
                                                                                 ⸿ Damor me dey ieu be(n) lauzar.
        pus ca ad (et) amors guazardonar. no(n) pus camor mays sim ten car. q(ue) dat ma
        p(er) so(n) chauzime(n). pus camors no(n) pot estuiar. assos obs amors ni donar. a
        mi a dat nou cor rize(n). ⸿ Rire deg ieu sim fas soue(n). q(ue)l cor meri neys
        e(n) dorme(n). e mi do(n)s rim ta(n) dossam(en). q(ue) belh ris mes de dieu som par. elh
        sieu belh ris fam pus iauze(n). q(ue) sim rizia(n) qatre. c. a(n)gels que(m) deuria(n) ioi
        dar. ⸿ Gaug ay ieu tal q(ue) mildole(n). seria(n) de mo(n) gaug mane(n). e del mi
        eu gaug tug mei pare(n). Uieurian ab gaug ses maniar. (et) qi uol e
        gaug say lan q(ue)re(n). quieu ay tot gaug et eysam(en) la midons q(ue)l mi pot
        tot dar. 
 
                    ⸿ Dona dals no(n) ay a parlar. mas de uos domna q(ue) bayzar.
        Uos cug domna cant aug nomnar. Uos domna q(ue) ses uestime(n) q(ue)n mo(n)
        cor domna Uos esgar. cades mi ue(n) domna estar. uostre belh cor nou
        auine(n). ⸿ DE mo(n) uers nou uuelh totz pregar. q(ue)lh mano(n) de no
        uelh chantar. aleys cam senes tala(n) Uar. dieus ma bays (et) amors
        si e(n) me(n). cautre ris me sembla plorars. sim te(n) ferm e(n) gaug ses lay -
        sar. mi dons ca adautramor nos te(n). ⸿ Ia dieus autra no me(n) pre -
        ze(n). sol q(ue) lieys gar e(n) mo(n) ioue(n).