Edizione diplomatica

Versione stampabilePDF version
 
 Bernartz deuentedorn.

 LO rossignols ses baudeia. Iosta la flor
 el uergan. Et es men pres tals enueia.
 Qieu non puosc mudar non chan. Mas
 nonsai deque ni decui. Car eu non am
 mi ni autrui. Efatz esfortz car sai faire.
 Bos uers puois non sui amaire.
 Mais a damor qui dompneia. Ab orgoill
 et ab engan. Que cel que totz iorns mer-
 ceia. Nis uai trop humilian. Capenas uol
 amors cellui. Qes francs efis si cu(m) ieu
 sui. Caissom tol tot mon afaire. Canc
 non fui fals ni trichaire.
 Aissi cum lo rams si pleia. Lai oluens lo
 uai menan. Fatz ieu uas lieis qe(m) gerreia.
 p(er)far totz iorns son coman. Ason ops me
 gart emestui. Q(ue) si non em amic amdui.
 Dautramor nomes ueiaire. Que ia mais
 mos cors sesclaire.
 Souens mi repta em plaideia. Em uai
 ochaisos leuan. Eqand ill en ren feuneia.
 Uas mi uersa tot lo dan. Gen ioga demi
 
 
 eis desdui. Que deus lo sieu tort mi con-
 clui. Mas ben es uertatz que laire. Cuia
 tuich sion siei fraire.
 Hom no la ue que non creia. Sos bels oills
 eson semblan. Enon cre quill auer deia.
 Fellon cor ni mal talan. Mas laigua que
 soau sesdui. Es pieier que cella que brui.
 Engan fai qui de bon aire. Sembla enon
 o es gaire.
 Detot luoc on ill esteia. Mi destuoill em
 uau loignan. Ep(er) so que non la ueia. Pas
 li mos huoills claus denan. Cel sec amor
 que nois nesdui. Ecel lenchaussa que
 la fui. Benai encor delestraire. Tro que
 uas midonz repaire.
 Ia non er si tot mi greia. Qenqer fin e
 plaig noil man. Que mal mes caissim
 recreia. Ni p(er)da tant lonc afan. Ason ops
 mi gart emestui. Esi non em amic am-
 dui. Dautramor nomes ueiaire. Que ia
 mos cors senesclaire.
 Enaissi fos pres cum ieu sui. Mos aluern-
 gatz eforam dui. Que plus nois pogues
 estraire. Denbel uezer debelcaire.
 Tristan si nous es ueiaire. Mais uos am
 que non suoill faire.