[c. 5 r.]
 |
| Molt chantesse uolentiers liemant se ien trouasse en - mon cuer lachoison. mais ie ne puis dire se ie ne mant |
[c. 5 v.]
 |
| kaie damors nule rien sire non. por ceu ne puis faire lie chan - con qamors lo me desensengne. qui uuet que iaim ne ne uuet que iatengne. ensi me tient amant en desespoir. que Je ne doi pas amors nul mal ne mocit ne ne lait ioie auoir uoloir sa la meillor del mu(n)de |
 |
| mo(n) cuer rent. conques amors ne fist si son pooir destre a nului si esmereiement. co(m) ele at fait a son tres bel cors gent. nest rie(n)s q(ui) a bialte tengne ne cuit ken li ne son gent cors soffraigne. fors cun petit li messiet ceu mest uis qele enuers moi tie(n)t t(ro)p ses euz eschis. Qant ie regart son debonaire. (et) ie li pri son bel respons auoir. ne me meruoil sel regart mesbahis car gi conois ma mort (et) sai de uoir. pues que merciz ne mi puet riens ualoir. ne sai ou nul co(n)seil preigne ke ses orguoilz mocit (et) li maaigne. he f(ra)nche riens cruels tant mar uos ui qant |
 |
| por ma mort nasq(ui)stes senz merci. Que ferai dex partirai de li ainz q(ue) samors me per ait tot ocis. nenil uoir las ai(n)z mestuet estre ensi. qamors me tient a sa uolente pris. q(ui) a mon cuer en se ceste amors mocit bien len couengne. melz aim morir e(n)si en boen (con)sir. ke uiure iriez. nen a ma mort hair. Pues que mes cuers ne sen uuet reuenir de uos de(m)me por cui |
[c. 6 r.]
 |
| il ma guerpi. aumosne aurez sel dengniez retenir. car sil reuient a moi a il failli. por uostre honor. (et) por deu uos en pri que de lui pitiez uos pre(n)gne. q(ui)l nafiert pas a dame co(n) sen plengne. qel siecle na si mortel traison co(m) bel sambla(n)t (et) corage felon. Amors coi q(ui)l men auengne. li rent merci de ce quele me dengne. tenir a sien. ne ia de sa p(ri)son. ne q(ui)er issir se morz ou amez non. |