 |
Peirols. DEl sieu tort farai esmenda. Leis quem fes partir de se. Enquer ai talan quel renda. Sil platz mas chansos eme. Ses respi- eg dautra merce. Sol sufra qen leis me(n)te(n)da. Equel bel nien matenda. G es per negun mal quien prenda. De sa mistat nom recre. Ans sufre cades masenda. Lapenel danz que men ue. Fairem degra calq(ue) be. Mas no(n) taing qeu lan reprenda. Si tot ses uers quiei mesprenda. M out iconsir nueg edia. Enome(n) sai co(n)sei llar. Pero sises deuenia. Gran talent ai cun baisar. Li pogues tolro emblar. Esi puois sen iraissia. Volentiers loli rendria. B en conosc quieu no(n) poiria. Mon cor d(e) sa- mor ostar. Per ira ni per feunia. Ni p(er) autra domnamar. Nomo cal plus essaiar. Aissi comli plaira sia. Queu lamarai tota uia. Q uel mo(n)|n(on) es hom qe teingna. Tan apode- rat amors. Que ges no(n) uol qen reteingna. Los plazers elas honors. Qa uia trobat aill- ors. Anz uol que sai mi destei(n)gna. P(er) tal que nom uol nim deingna B ella domna encui reingna. Senz ebeutaz eualors. Puois sufretz caissi mesteingna. Lo desirs ela dolors. Si uals dels plazers menors. Mi fatz tant que ioiam ueingna. Sol cauos no(n) descoueingna. C ansoneta uai de cors. Dir amidonz qet reteingna. Puois mi retener no(n) deingna. |