Edizione diplomatica

Versione stampabilePDF version

[c. 146 r.]

                                                                                                                            lichastelai(n)
     M(ou)lt mest belle la douce comensence. del nouel tens alentreir de           de cousi
     pascor. ke boix (et) preit sont de mainte semblence. uert (et) uermoil cou -
     uert derbe (et) de flor. (et) ie seux lais de ceu en teil balance. kamains ioi(n)
     tes aor. ma belle mort ou ma haute richor. ne sai lou keil sen ai ioie
     (et) paor. si ke souent chans lai ou de cuer plor. ke lons respis mesmaie
                                          Iai de mon cuer nistrait maix la coentance. dont
                                          mait conquis amors plains de dousors. celle cui iai toz
   (et) mescheance.           iors en remenbrence. si ke mes cuers ne sert dautre labor.
   he france riens en cui iai ma fience. por uostre honor merci. car sen uos
   truis lou semblant menteor. mort maueries aloi de traitor. si envairoit
   noiens uostre ualoirs. sensi mauies ocis sens defiance. Deux com mait
   mort de debonaire lance. sensi me lait morir de teil dolor. de ces biaus
   ieuls me vient sens defience. ferir al cuer cains ni ot autre estor. m(ou)lt
   uolentiers en panroie uangence. per deu lou creator. si ke mil fois la

[c. 146 v.]

     poisse lou ior. ferir acuer ensi de teil sauor. ne iai certes nen feisse cla -
     mor. se ieu eusse de moy uengier poissance. He franche riens pues
     ken u(ost)re menaie. me seux tous mis trop me secorreis lent. car dons
     nest pais cortois ki trop delaie. se sen esmaie icil ke si atant. cuns pe
     tis biens uault muels se deus me uoie. con fait cortoisement. ke cent
     gringnor fait aniousement. car ki le sien done retraianmant. son gei
     ipert (et) si couste ausiment. com il feroit al poent ke bien lenploie. Ie
   ne di pais dame ke ie recroie. de uos ameir se mors nel me deffent. maix
   fine amor tient mon cuer (et) maistroie. ke toz se done auos entiereme(n)t.
   se nai pooir dame ke ie lou raie. si mauient il souent. ke trespensis
   me truis entre la gent. el douls desir (et) el douls pensement. (et) en la
   ioie ke ie de uos atent. ce ceu niere iai pairleir nen querroie. Chan -
   son uai ten mes lai ou cuers tenuoie. ne los dire autrement. lai tro -
   uerais se mes sens ne me ment. cors sens merci. greille lonc blanc (et)
   gent. simple (et) belle de dous acoentemant. cleir uis riant ola biaulteit
   veraie