 |
Bele emmelos es pres de- |
 |
. . . souz larbroie. pleure Guion sor lerbe qui ver . . doie. por mal mari qui la bat et laidoie. . .. maiz por destrainte de chaistoi. ne puet son cuer .. . retraire a soi. et Guis aime emmelot de foi. Forment se plaint la bele et mout ses- froie. et dit plorant amis trop me guerroie. por vostre amor mes maris et maistroie. si (con)ques mes fille de roi; ne fu menee atel des- roi. Et Guis. Lasse ou fuirai quel sentier ne quel voie. Nai desirrier amis fors que vous voie. car sun seul ior amon bon vous auoie. tant ameroie le dosnoi; que iamaiz naueroie anoi. Et Guis. |
 |
Li suens maris lentent mout se gra- moie. de la bele qui si le contraloie. ali sen vint. par mi les dras de soie. la bati tant. q(ue) por vn poi; ne la morte les le rapoi. Et Guis. Tant li debat sa char quele persoie. si q(ue)n cent leus li desfront et pecoie. apres les colz son douz ami rechoie. qui sen repairoit del tornoi. par auenture les launoi. Et Guis. . Samie entent li cuens vers li sauoie. sa dolor voit apou quil ne maruoie. bele emmelot fait il dex vos poruoie. dites moi bele ie vos proi. son vos a batue por moi. Et. Bele emmelos qui sospirant larmoie. li dit amis por vos les maus amoie. que me faisoit li dux quant vos nomoie. et dit de vos amer nai loi. or me sormainne a estre loi. Et Guis. . Qvant li quens lot durement li anoie. lespee trait dont li aciers burnoie. le duch a |
 |
mort durement si manoie. samie en por- te sanz effroi. deuant lui sor son palefroi. Et Guis. En son pais porte li cuens sa proie. sa da- me en fait. ali seruir sotroie. et la bele na talent que recroie. de lui seruir en bo- ne foi. mout sentraiment de cuer andoi. Et Guis. |