1
M: Por li servir en bone foi
T: Pour li servir em boine foi
2
M: veut amors mon cuer retenir
T: velt amors mon cuer retenir
3
M: et je volentiers li otroi
T: et je volentier li otroi
4
M: cuer et cors et moi tot entir
T: cuer et cors et moi tout entir
5
M: le cuer ait por le sovenir
T: le cuer ait pour le sosvenir
6
M: le cors por les maus sostenir
T: le cors pour les maus sostenir
7
M: einsinc toz en amors m'otroi
T: ensi tous en amor m'en ploi
8
M: ne partir n'en vueill sanz merci
T: ne partir n'en voil sans merchi
9
M: j'ai tant servi et servirai
T: j'ai tant servi et servirai
10
M: qu'il m'iert meri.
T: k'il m'ait meri.
11
M: Amors fera grant estreloi
T: Amors fera grant estreloi
12
M: se son gré ne puis desservir
T: se son gré ne puis deservir
13
M: que je tant l'aim et pris et croi
T: quant jou tant l'aim et pris et croi
14
M: que de moi me vueill dessaisir
T: ke de moi me voil dessaisir
15
M: por li baillier a son plaisir
T: pour li baillir a som plaisir
16
M: et puis que son gré tant desir
T: et puis ke son gré tant desir
17
M: bien porra dire se de moi
T: bien porra dire se de moi
18
M: pitiez et mercis ne li prent
T: pitiés et merchis ne li prent
19
M: je ai trahi a escïent
T: jou ai traï a entïent
20
M: celui qui m'amoit loiaument.
T: celui ki m'amoit loiaument.
21
M: Je samble celui qui de soi
T: Je samble celui ki de soi
22
M: convient par estovoir morir
T: covient par estovoir morir
23
M: et s'est l'iaue si pres de soi
T: si est l'aige si pres de soi
24
M: qu'a son menton la puet sentir
T: k'a son menton le puet sentir
25
M: ensint voi de moi avenir
T: ensi voi de moi avenir
26
M: quant a l'amor ne puis venir
T: quant a l'amor ne puis venir
27
M: de ma dame et sovent la voi
T: de ma dame et sovent la voi
28
M: mes se li suens cuers ne m'est puis
T: mais se li siens cuers ne m'est puis
29
M: je tieg volentiers mes ex
T: jou tieng mes iex
30
M: a li esgarder quant je ne puis mieuz.
T: li esgar quant jou ne puis miex.
31
M: Assez i a raison por coi
T: Asses i a raison pour quoi
32
M: se tres volentiers la remir
T: se tres volentiers la retenir
33
M: sens bontez et biautez cist troi
T: sens et beautés et bontés cil troi
34
M: font les ex au cuer obeïr
T: font le cuer as iex au cuer obeïr
35
M: maiz mesdisans doi trop haïr
T: mais mesdisans doi trop haïr
36
M: qui se painent de moi trahir
T: ki se painent de moi traïr
37
M: por ce que j'aim si con je doi
T: pour cou ke j'aim si com je di
38
M: loiaument et sans decevoir
T: loiaument et sans dechevoir
39
M: se mesdisans ne me nuisoit
T: se mesdisans ne mi nuisoit
40
M: pres sui de ma grant joie avoir.
T: pres sui de ma grant joie avoir.
41
M: Gentix dame merci vos proi
T: Gentix dame merchi vous proi
42
M: si me doint Dex de vos joïr
T: si me doinst Diex de vous joïr
43
M: c'ainc de rienz tel volenté n'oi
T: k'ainc de riens tel volenté n'oi
44
M: con de vos loiaument servir
T: com de vous loiaument servir
45
M: tant soufranment mi fait languir
T: tant soffranment mi fait languir
46
M: li douz espoirs de vo merir
T: li dous espoirs de vo merir
47
M: que por grevance ne recroi
T: ki pour grevance ne recroi
48
M: s'en doi doubles biens savorer
T: s'en doi doubles biens savorer
49
M: qui loiaument sert s'amie
T: ki loiaument sert s'amie
50
M: bien li doit sa joie doubler.
T: bien li doit sa joie doubler.
51
M: A ma dame te fai oïr
T: A ma dame te fai oïr
52
M: ne puis mon message furnir
T: nes puis mon messaige
53
M: chançon par autrui que par ti
T: chançons par autrui ke par ti
54
M: et si li proie et si li di
T: et se li prie et se li di
55
M: la painne m'agree que trai por li.
T: ma paine m'agree ke trai pour li.