| peyrols. | peyrols. | ||
| DEls sieus tortz farai es- menda. lieys quem fetz partir de se. quen quer ai talan quel renda. sil platz mas chansos e me. ses res pieg dautra merce. sol suefra q(ue)n lieys entenda. e quel belh nien na tenda. |
Dels sieus tortz farai esmenda, | 1 | 1 |
| lieys que·m fetz partir de se, | 1 | 2 | |
| qu'enquer ai talan que·l renda, | 1 | 3 | |
| si·l platz, mas chansos e me, | 1 | 4 | |
| ses respieg d'autra merce; | 1 | 5 | |
| sol suefra qu'en lieys entenda | 1 | 6 | |
| e que·l belh nien n'atenda. | 1 | 7 | |
| G es per negun mal quen pren- da. de sa mistat nom recre. ans sueffri quades entenda. la penel dan que men ue. far mi degra qual que be. mas nos tanh q(ui)eu lan reprenda. si tot ses uers q(ui)lh mesprenda. |
Ges per negun mal qu'en prenda | 2 | 1 |
| de s'amistat no·m recre, | 2 | 2 | |
| ans sueffri qu'ades entenda | 2 | 3 | |
| la pen' e·l dan que m'en ve: | 2 | 4 | |
| far mi degra qualque be, | 2 | 5 | |
| mas no·s tanh qu'ieu la·n reprenda | 2 | 6 | |
| sitot s'es vers qu'ilh mesprenda. | 2 | 7 | |
| B en conosc quieu no poiria. mon cor de samor lunhar. per ira ni per feunia. ni per autra domna mar. no mo qual plus assajar. mas si cum lieys plai- ra sia. quieu la marai tota uia. |
Ben conosc qu'ieu no poiria | 4 | 1 |
| mon cor de s'amor lunhar | 4 | 2 | |
| per ira ni per feunia | 4 | 3 | |
| ni per autra domn'amar; | 4 | 4 | |
| no m'o qual plus assajar, | 4 | 5 | |
| mas si cum lieys plaira sia, | 4 | 6 | |
| qu'ieu l'amarai tota via. | 4 | 7 | |
| Mout en cossr nueg e dia. e no men sai cosselhar. pero si se(s) deuenia. gran talan ai qun bai zar. li pogues tolro emblar. e si pueys sen yraissia. uolun tiers lo li rendria. |
Mout en coss[i]r nueg e dia | 3 | 1 |
| e no m'en sai cosselhar; | 3 | 2 | |
| pero si s'esdevenia, | 3 | 3 | |
| gran talan ai q'un baizar | 3 | 4 | |
| li pogues tolr' o emblar, | 3 | 5 | |
| e si pueys s'en yraissia | 3 | 6 | |
| voluntiers lo li rendria. | 3 | 7 | |
| E l mon non es hom que te- nha. tan apoderat amors. que ges no uol quieu retenha. los plasers ni las honors. qua uia trobat alhors. ans fai que plus mi destrenha. per tal que nom uol nim denha.
|
El mon non es hom que tenha | 5 | 1 |
| tan apoderat Amors, | 5 | 2 | |
| que ges no vol qu'ieu retenha | 5 | 3 | |
| los plasers ni las honors | 5 | 4 | |
| qu'avia trobat alhors, | 5 | 5 | |
| ans fai que plus mi destrenha | 5 | 6 | |
| per tal que no·m vol ni·m denha. | 5 | 7 | |
| B elha domna en cui renha. sen(s) e beutatz e ualors. suffriretz q(ua)i si mestenha. lo deziriers el dolor(s). si uals dels plazers menors. me faitz que ioys men uenha. sol qua uos non descouenha. |
Belha domna, en cui renha | 6 | 1 |
| sens e beutatz e valors, | 6 | 2 | |
| suffriretz qu'aisi m'estenha | 6 | 3 | |
| lo deziriers e·l dolors? | 6 | 4 | |
| Sivals dels plazers menors | 6 | 5 | |
| me faitz que ioys m'en venha, | 6 | 6 | |
| sol qu'a vos non descovenha. | 6 | 7 | |
| Chansoneta uai decors. amido(n)s dir quet retenha. pus mi rete- ner non denha. |
Chansoneta, vai de cors | 7 | 1 |
| a midons dir que·t retenha, | 7 | 2 | |
| pus mi retener non denha. | 7 | 3 | |
| D alfi solatz (et) amors. e cotes sens uos essenha. cossi ioys e pretz uos uenha. |
Dalfi, solatz et amors | 8 | 1 |
| e co[r]tes sens vos essenha, | 8 | 2 | |
| cossi ioys e pretz vos venha. | 8 | 3 |