Bartsch

Versione stampabilePDF version

I.
Quan lo rius de la fontana
Sesclarzis, si com far sol, 
E par la flors aiglentina
E-l rossinholetz e-l ram
Volv e refranh et aplana,
Dregz es quieu lo mieu refranha.

II.
Amors de terra lonhdana,
Per vos totz lo cors mi dol;
E non puesc trobar metzina,
Tro veng al vostre reclam,
Ab atrag damor doussana,
Dins vergier o tras cortina
Ab dezirada companha.

III.
Pos totz jorns men falh aizina,
No-m meravilh, sieu maflam;
Quar anc genser Crestiana
Non fon ni dieus no la vol,
Juzeva ni Sarrazina;
Ben es dones pagutz de manna,
Qui ren de samor guazanha.

IV.
De voler mos cors non fina
Ves cela re quien plus am,
E sai que volers mengana,
Si cobezeza la-m tol.
Quar plus es ponhens despina
Ma dolors quez ab joi sana,
Don ja non vuelh quom mi planha.

V.
Quan pensars meu fai aizina
Adoncs la hais e lacol;
Mas pueis torn en revolina,
Per que-m nespert e naflam;
Quar so que floris non grana,
Lo jois que mi nataina
Totz mos aujatz afaitanha.

VI.
Senes breu de parguamina
Tramet lo vers que chantam,
En plana lengua romana
A-n Ugo-l Brun, per Filhol.
Bo-m sap que gens Peitavina
E totz Angieus e Viana
S’esjan per leis e Bretanha.