Edizione diplomatico-interpretativa

Versione stampabilePDF version
robers de le piere.
Iai chante mout liement. par mainte
fois. et en chantant ai souent este de
strois. mes tot li mal quai senti. des
onques dusques en ci. furent doucors ala
dolor que iai. car de garir iamais nul es
poir nai. ainz morrai.
Bien sai quamer loiaument. nest nus
esplois. folz est qui guarde ne prent de lui
ancoiz. (com) iait del tout malbailli. cele que
iamoie si. me mena tel que ioir en cuidai.
mes anc nauint. ne iames nen ioirai.
ainz morrai.
Cuider ma fet longement. ma bone fois.
que ieusse alegement. et ce fust drois.
mes or sai ie tout de fi. que quant que iai
mis en li. ai tot perdu. et quanque gi
metrai. mes ia por ce ie croi nen partirai.
ainz morrai.
Mesdisant mauuese gent. et pou cortoiz.
uescu ai ioliement. seur uostre pois. et en
cor feisse ausi. se iatendisse merci. maiz
ainc noi bien. ne iames bien naurai. or
soiez lie. iames nen guarirai. ainz mor
rai.
De moi prendez uengement. a uostre
chois. des amans entierement. sauoie t(ro)is.
sen auez ia lun honi. or as autres ie uos p(ri).
ne soufrez ia que nus qui ait cuer urai.
puist uiu[r]e en pais et ie (com)mencerai. sen
morrai.
Dragon se ie muir einsi. li queus des
trois ma trahi. ou ses gens cors ou ie trop
me fiai. umescheance. ou mesdisant. ne
sai. sen morrai.