 |
Arnautz daniels.
LAura amara. Falz bruoills brancutz.
Clarzir. Quel doutz espeissa ab fuoills.
Els letz. becs. Dels auzels ramencs. Ten
balps emutz. pars enonpars. P(er) que mes
fortz. Defar ede dir. plazers amains. e p(er)
liei que ma uirat bas daut. Don tem mo
rir. silafans nomasoma.
|
 |
Tant fo clara. Ma prima lutz. Deslir. lieis
doncre lo cors los huoills. no(n) pretz. necs.
Mans dos(des?) agonencs. Dautra sesdutz. rars.
mos preiars. pero deportz. Mes ad auzir
Uoler bos motz ses grei deliei don ta(n)t ma
zaut.Qal sieu seruir sui del pe troc al
coma.
|
 |
Amors cara. Sui ben uencutz. Cauzir. te(m)
far sim desacuoills. tals detz. precs. Que
tes mieills qet trencs. Qieu soi sis drutz.
Cars. enon uars. Mal cors ferms fortz.
Mi fai sofrir mains uers. Cabtot lonei
Magrops us bais al chaut. Cor refrezir.
Q(ue) noi ual altra goma.
|
 |
Simampara. Cill qem tra hutz. Dazir.
Si qes depretz capduoills. Delsqetz. precs.
Cai de ditz arencs. Lerfor rendutz. clars.
Mos pensars. Q(ue)u fora mortz. Mas fam
sofrir lespers. Qeill prec qen bei. caissom
ten let ebaut. Que dals iauzir. nomna
iois una poma.
|
 |
Dolsa cara. totz aips uolgutz. Sofrir mer
p(er)uos mainz orguoills. Car etz. decs. De
totz mos fadencs. Don ai mains brutz.
pars. Egabars. De uos nom tortz. nim
fai partir auers. Canc non amei ren tan.
|
 |
Ab meins defaut. Anz uos desir plus
que dieu cill de doma.
|
 |
Erat para. Chans econdutz. Formir
alrei qui ter escuoills. Car pretz seis
chai lai es doblencs. Emantengutz
dars emaniars. De ioi lat portz. Son a
nel mir sil ders. Canc non estei iorn da
ragon qel saut. noi uolgues ir. Mas lai
man clamat roma.
|
 |
Faitz es la cortz. Qel cor remir. totz sers
lieis cui dompnei ses parsonier arnaut
qen altralbir nes fortz mententa soma.
|