Reambautz daurenge Una chansonetta feira uoluntiers leueta dir don tem qe mer a morir qe faz lai tal qi sen cela be(n) la poira leu ente(n)dre si tot ses en aital rima li mot seran descubert alqes de razon deuiza |
bom sap car ma podera mos cors qe non pos suffrir de mon talan descubrir cades poia plena uela cui qe ueia ios disen- dre per qe noi pos nul escrima trobar tant ai trop suffert de fa parer ma co(n)qiza. |
Pos ma doma mes tan uera trop miels qeu noil sai grazir sien qier als totz temps mazir a dieu ni ian mer chandela om fassa qe be man pendre et p(er) sa gola ad una cima p(er) ma dat si lieis nom pert dieus e pagar a maguiza. |
ben saup lo mel de la cera triar el o meils deuezir lo iorn q(u)e |
Domna cant mi colg al sera la noit e tot iorn cossir cois pog ues en grat seruir. cant em penz qim sier² nim pela nom pot far en als entendre de gaug mos cors salegrima tant ai en uos mon cor sert e ma uoluntat azisa. |
Domna si no sa lezera mos cors lai onteu dezir res plus tost non pot aucir sim tarza pensat de tela al cors nos pot defendre qeil uida mes aitan prima souenem gaug em nespert empens mala lai enqisa |
Non ai fag tan longa esp(er)a caissi men degries marrir mas us iorns mes uis qem fir un an lo pres duna mela niam tem si mo pot car uendre dreig qe mos cors men ferma cades mis tan li oill ubert ues cela part on laiuiza |
Deu prec tan demort mescrima donna e maia suffert fra qieus embraz ses chamiza e i trob amors sens escrima ia non deu plagnier sim pert falsa ni uaira ni biza. |
Note
¹ Correzione interlineare, 'a' sostituita con 'o'.
² Correzione interlineare, 's' sostituita con 'f'.