 |
| Talent ai que ie uos die de mes mals une p(ar)tie. en au- tre chant qensi me uient a talent. mais ma chiere dolce amie por cui mes cuers sumelie. maintenant qele me face creant de sa dolce c(om)paignie. ne por riens que nus men die a mon viuant. nistrai de sa seignorie. |
 |
| Fine amors nesgarde mie a sauoir nen a folie. nau melz uaillant. ainz fait de tot son talant. (et) cil q(ui) plus la seruie. (et) q(ui) ne la t(ri)che mie. doit fai- re tant. que nuns ne sen voist plaignant. mais chescu(n)s iure (et) affie. q(ue) n(us) hom q(ui) soit en vie. naime tant por ce nes conoist hom mie. |
 |
| Bele dolce dame chiere u(ost)re g(ra)nz beltez entiere. ma si sospris. se iestoie en paradis. si ven- droie ie arriere. p(er) couent q(ue) ma p(ro)iere meust la mis. q(ue) ie fusse u(ost)re amis. ne uers moi ne fussiez fiere. conques en nule maniere ne forfis. p(er) coi fussiez ma guerriere. |
 |
| Por tot lor de sai(n)t denise nistroie de son seruise. ainz faz sauoir. cancor la cuiz ueoir. tote nue en sa chemise. si kent(re) ses. ii. braz gise. a mon voloir siert del tot a ]sa[ ma deuise. |