1
M: Assez pluz que d'estre amez
T: Assés plus ke d'estre amés
2
M: me sui penez d'avoir chier
T: me sui penés d'avoir chier
3
M: toz mi sui entroblïez,
T: tous mi sui entrobliés
4
M: tant sui en autrui dangier
T: tant sui en autrui dangier
5
M: por vos m'estuet tot leissier
T: pour vous m'estuet tout laissier
6
M: dame, a cui sui toz donez
T: dame, a cui sui tous donés
7
M: cuer, pensee, et volentez
T: cuer, pensee, et volentés
8
M: ai mis en vostre prison
T: ai mis en vostre prison
9
M: Soviegne vos de moi bele
T: Sosviegne vous de moi belle
10
M: ja ne pens je s'a vos non.
T: ja ne pens jou s'a vous non.
11
M: Dame par moi sui grevez
T: Dame par moi sui grevés
12
M: quant je en vos ma mort quier
T: quant jou en vous ma mort quier
13
M: en regardant vos biautez
T: en regardant vos beautés
14
M: dont naissent mi desirrier
T: dont naissent mi desirier
15
M: c'ainc ne vint mes ex proier
T: k'ainc ne vinc mes iex proier
16
M: vos gens cors d'estre esgardez
T: vos gens cors d'estre eskardés
17
M: mes estre en cuidoit pluz blasmez
T: mais estre en doit plus blamés
18
M: vos cuers que je ne di ce croi
T: vostre cuer ke je ne die
19
M: quant pluz sa merci desir
T: quant plus sa merchi desir
20
M: pluz est crüeus envers moi.
T: plus est cruex en vous moi.
21
M: Li grés dame est entamez
T: Li griés est dame entasmés
22
M: par l'iaue souent touchier
T: par l'aige sovent touchier
23
M: mes je voi vos cruautez
T: mais je voi vo cruautés
24
M: de mes lermes enforcier
T: de mes larmes enforchier
25
M: et vostre amor eslongier
T: et vostre amor eslongier
26
M: fait de moi humilitez
T: fait de moi humilités
27
M: s'en sui si desesperez
T: s'en suj si desesperés
28
M: que je n'atent fors la mort
T: ke jou n'atenc fors la mort
29
M: d'amor trop lontainne
T: d'amor trop lontaigne
30
M: n'atent nul confort.
T: n'atenc nul confort.
31
M: Cil qui sevent a toz lez
T: Cil ki sevent a tous les
32
M: novele amor acointier
T: novelles amors acointier
33
M: ne sentent pas teus grietez
T: ne sentient pas tes grietés
34
M: con je par mon desirrier
T: com jou par mon desirier
35
M: ainc ne m'osa aprochier
T: ainc m'osa aprochier
36
M: trahisons ne faussetez
T: traisons ne fausetés
37
M: maiz douçors et loiautez
T: mais douçors et loaautés
38
M: si poissanz con je bien sai
T: si poissans ke jou bien sai
39
M: quant ces amors me faudront
T: quant ces amors me fauront
40
M: que j'ai ja mais n'amerai.
T: ke j'ai ja puis n'amerai.
41
M: De ma dame sui doutez
T: De ma dame sui doutés
42
M: mes certes n'eüst mestier
T: mais certes n'eüst mestier
43
M: ne sui pas a li remez
T: ne sui pas a li remés
44
M: por son pris desavancier
T: pour som pris desavanchier
45
M: dons qui puisse honor blecier
T: dons ki puist honour blechier
46
M: n'iert ja par moi demandez
T: n'ert ja par moi demandés
47
M: s'amor m'otroit ces assez
T: s'amor m'otroit c'est assés
48
M: por guarir ami loial
T: pour garir ami loial
49
M: s'ele me deignoit amer
T: s'ele me daignoit amer
50
M: je n'averoie mal.
T: je n'avroie mal.